Niun hende no mag bira malu dor di trabou
Riba promé di yüli 2019 e desishon tokante seguridat di labor (‘Arbeidsveiligheidsbesluit IV Caribisch Nederland’) a drenta na vigor. Den e desishon aki ta stipulá reglanan pa labor di buseo, trabou ku asbèst i esfuerso físiko.
Esaki ta na interes di kondishonnan di trabou saludabel i seif na Hulanda Karibense. Tur hende mester por traha motivá, vital i produktivo te na nan edat di penshun.
E desishon aki ta ofresé dunadó di trabou i empleado hopi espasio pa nan mes duna kontenido na trahamentu saludabel i seif. Kon pa kumpli ku e reglanan aki, ta keda na e sektornan mes. E sektor di buseo, di konstrukshon i hóreka pronto lo sigui elaborá i stipulá medida den un katálogo di Arbo, ku ayudo di spesialistanan di Arbo.
Pa kompanianan ku ta traha den kitamentu di asbèst, lo tin un kurso mas despues e aña aki, pa sòru pa nan por hasi nan trabou saludabel i seif.