Sekretario di Estado Van Veldhoven ta bishitá Hulanda Karibense

Sekretario di Estado Van Veldhoven lo hasi un bishita di trabou na Saba, Sint Eustatius i Boneiru di 14 pa 18 di yüli.

Stientje van Veldhuizen
Sekretario di Estado Van Veldhoven

E bishita ta spesialmente den kuadro di esfuersonan ambiental pa mantené e islanan limpi i abitabel. 

E biahe di trabou ta kuminsá na Saba. Aki lo hiba kombersashon  ku gezaghèber i algun miembro di Kolegio Ehekutivo. Seguidamente e sekretario di estado lo bishitá e planta nobo di kima sushi, trahá pa resistí orkan, i tambe e área di separashon di sushi. Riba e di dos dia na Sint Eustatius tambe lo bishitá proyektonan ambiental i e terminal petrolero NuStar. Banda di esaki lo hiba kombersashon tokante maneho di sushi ku komisario di gobièrnu i su remplasante. 

Boneiru

E bishita di trabou na Boneiru ta den kuadro di maneho di sushi, vürwèrk, e plan di akshon di koral i kombustibel. E sekretario di estado lo sera e área ilegal pa dùmp sushi mas bieu na Hulanda Karibense i lo tuma e promé paso den komienso di konstrukshon di un almasenahe pa vürwèrk nobo i seif. Tambe lo e duna señal pa start ku sanamentu di asbèst na un èks kriadero di kabaron. 

Riba tur tres isla lo hasi palabrashon pa huntu pone un fin na uso di plèstik desechabel, pa mantené e islanan limpi, abitabel i tambe pa preservá e naturalesa úniko.