A stipulá tarifanan máksimo pa distribushon di koriente
Autoriteit Consument & Markt (ACM) a stipulá tarifanan máksimo pa distribushon di koriente na Hulanda Karibense entrante promé di yüli 2019.
Boneiru
Pa Boneiru e tarifa di uso variabel ta baha di 0,2693 USD/kWh pa 0,2672 USD/kWh. E tarifa máksimo di pagabon (prepaid) ta baha di 0,4765 USD/kWh pa 0,4744 USD/kWh. Pa uso promedio doméstiko na Boneiru esaki ta nifiká un bahada di mas o ménos USD 0,50 pa luna.
Sint Eustatius
Par Sint Eustatius e tarifa di uso variabel ta subi di 0,2965 USD/kWh pa 0,3047 USD/kWh. Pa uso promedio doméstiko na Sint Eustatius esaki ta nifiká un subida di mas o ménos USD 2,00 pa luna.
Saba
Pa Saba e tarifa di uso variabel ta baha di 0,3516 USD/kWh pa 0,3278 USD/kWh. Pa uso promedio domestiko na Saba esaki ta nifiká un bahada di mas o ménos USD 6,00 pa luna.
Adaptashon di tarifa di distribushon stipulá dos biaha pa aña
ACM ta stipulá un tarifa máksimo pa produkshon i distribushon di koriente na Hulanda Karibense. Pa distribushon di koriente ACM ta stipulá esaki kada 6 luna teniendo asina kuenta ku desaroyo di preis di kombustibel ku ta nesesario pa produkshon di koriente.