Progreso komienso di repatriashon di residente
Repatriashon di residente di nos isla lo kuminsá pronto. E intenshon tabata pa repatriá e promé grupo di residente riba 14 di aprel ku un buelo for di Hulanda, pero dor di retonan logístiko esaki lo no ta posibel mas. Ainda no tin un fecha definitivo pa e buelo aki. Pero ta hasiendo tur esfuerso pa e buelo aki tuma lugá den e dianan binidero. Tin vários faktor ku tin influensia riba esaki. Na e momentu aki e taskforce ku ta enkargá ku ehekushon di repatriashon ta trahando riba tur posibilidat i detaye pa asina presentá esaki na EBT.
Manera ya a indiká anteriormente e promé grupo di personanan ku ta repatriá ta residentenan ku tin un funshon vital. E personanan aki ta risibí yamada personal den e dianan aki pa informá nan ku nan ta riba e promé buelo ku ta repatriá residente. Manera tin mas informashon riba e fecha eksakto i sobrá dato lo informá nan personalmente.