Promé kaso di COVID-19 na Saba

E promé kaso positivo pa e vírùs di corona ta konfirmá na Saba. Segun gezaghèber Johnson e pashènt aki no a biaha resientemente, esei por ta un indikashon ku e vírùs ta riba e isla. Saba a tuma medida preventivo na tempu pa evitá ku e vírùs por plama si e ta riba e isla i ta hasi e medidanan aki awor aun mas severo. Banda di esei a inisiá un investigashon na e fuente i kontaktonan segun protokòl regular.

covid positive

E investigashon ta inkluí tambe e pashèntnan di Saba ku a bini Boneiru pa tratamentu médiko di emergensia na Fundashon Mariadal. Te ku awor e investigashon ta indiká ku no tabatin kontakto entre e pashèntnan di Saba na Boneiru i e pashènt ku a tèst positivo pa Corona na Saba.  Pa tur siguridat e pashèntnan for di Saba ta den isolashon na hospital. Tambe e akompañatenan ta den karentena obligatorio.