Durante 2019 Schadefonds a paga un total di 112.406 euro na personanan na Hulanda Karibense
For di promé di aprel 2019, víktima di delito di violensia ku a tuma lugá na Boneiru, Sint Eustatius òf Saba, ta bini na remarke pa un pago di un solo biá di Schadefonds.
Riba e ‘factsheet’ aki por mira un bista general di e sifranan di 2019: na total a entregá 53 petishon durante aña pasá, di kua 28 ya ta aprobá. Tin 22 petishon pendiente ainda i a rechasá 3 komo ku nan no tabata kumpli ku e kondishonnan. Na total a paga 112.406 euro na e 28 solisitantenan asigná, un promedio di 4.015 euro pa persona.
Ku e pago, na nòmber di sosiedat di parti di Gobièrnu, Schadefonds ta rekonosé e inhustisia ku a hasi e víktimanan. Di e manera aki, Schadefonds ta kontribuí na e rekonstrukshon di konfiansa i di hustisia pa e víktima i su famia.
Pa mas informashon tokante Schadefonds CN por mira e wèpsait www.schadefondsCN.com.
