Ayudo di alimentashon pa e kasnan di famia mas vulnerabel

Organisashonnan lokal di ayudo i hopi boluntario na Boneiru aktualmente ta suministrando alimento pa aproksimadamente 680 kas di famia. Ekspektativa ta ku e kantidat aki lo sigui oumentá dor di e krísis di corona. P’esei gobièrnu ta ofresé sosten èkstra pa e kasnan di famia mas vulnerabel, banda di e pakete di emergensia ku provishon di entrada.

voedselpakket

Ku e esfuersonan eksesivo di organisashonnan di ayudo lokal i boluntarionan, ta ofresé ayudo di emergensia na famianan mas vulnerabel na Boneiru. Aktualmente, alrededor de 680 kas di famia ku ta sufri di eskases di kuminda pa motibu di pobresa ta risibí sosten. Ta trata di aproksimadamente 480 kas di famia ku yu i 200 kas di famia sin yu. Durante e último simannan nan a risibí entre otro:
 

  • 400 pakete di higiena ku material edukativo pa personanan poko alfabetisá
  • Pakete di kuminda mensualmente pa tur kas di famia den nesesidat, ku nesesidatnan básiko manera aros, pasta, zeta, berdura den bleki i tin ora tambe berdura fresku
  • Pakete di desayuno semanal pa kasnan di famia ku yu, ku anteriormente tabata risibí esaki via di skol
  • Mínimalmente un biaha pa siman kuminda kayente pa e kasnan di famia mas urgente, suministrá a traves di hopi inisiativa privá i akshonnan di restorantnan.

E ekspektativa ta ku e kantidat di kas di famia ku ta sak bou di linia di pobresa i ku lo mester di  ayudo ku alimentashon, lo sigui oumentá a konsekuensia di e krísis di corona. P’esei, banda di e pakete di emergensia ku provishonnan di entrada, gobièrnu lo ofresé ayudo adishonal na e kasnan di famia mas vulnerabel.

E ayudo aki ta konsistí di sosten finansiero pa suministrá pakete di kuminda, pa asina tur kas di famia den pèrtá risibí un pakete di kuminda ku produktonan básiko. Banda di esaki OLB ta kordiná e suministrashon di alimento a traves di tur e diferente inisiativanan di ayudo lokal i ta brinda apoyo material pa kasnan di famia den nesesidat.

Kasnan di famia òf personanan ku, apesar di e areglonan di entrada i sosten den nan serkania, no tin sufisiente sèn pa kuminda, por apliká pa un pakete di kuminda via yudami@bonairegov.com òf 0800 – 1351 (grátis).

Nina den Heyer: “Pa superá e tempu difísil aki, nos mester keda mira otro. Tur forma di yudansa ta esensial. Nos ta pará huntu den e krísis aki. E hendenan mas vulnerabel tambe mester por keda kome. Esaki OLB ke salbaguardiá huntu ku gobièrnu di Reino  banda di e areglonan di entrada i e esfuersonan eksesivo di e boluntarionan i ayudo for di henter e isla. Huntu nos ta pone skouder bou di e krísis aki. Huntu kontra corona!”

Apoyo adishonal pa kasnan di famia den nesesidat
Kasnan di famia den nesesidat por bini na remarke ku pago di gastunan fiho manera hür, kuenta di WEB òf di internèt. Mayornan ku yu ku ta bai skol pero ku no tin konekshon di internèt na kas, por bini na remarke pa un konekshon di internèt. Ta paga e sèn direktamente na e provedor.


Persona ku mester di ayudo ku pakete di kuminda òf apoyo ku pagamentu di hür, kuenta di WEB òf di internèt, por mèldu via e-mail yudami@bonairegov.com of yama 0800 – 1351 (grátis). Por fabor spesifiká bo pregunta pa ayudo i inkluí bo nòmber, adrès i number di telefòn.