Pruebanan i èksamen na MBO

Pa studiantenan ku tin di risibí nan diploma e aña eskolar akí, e èksamennan ta sigui mas tantu posibel. E studiantenan aki ta haña prioridat. Skol ta disidí riba e forma kon e èksamennan lo tuma lugá, teniendo na kuenta e reglanan di RIVM. Akinan por pensa riba por ehèmpel èksamennan oral ku por tuma lugá digital, èksamennan ku por tuma lugá na e kompania di stazje òf na un otro lokalidat.

eindexamens

Den e siman di 20 pa 24 di aprel e kandidatonan pa èksamen lo kuminsá ku (e preparashonnan) pa nan èksamen. Tur kandidato lo risibí informashon riba su adrès di e-mail di skol. E èksamennan práktiko i genériko lo tuma lugá den luna di mei.

Formashon práktiko di ofisio i stazje

E stazjenan (formashon práktiko di ofishi) den e sistema BOL ta sigui, a ménos ku gobièrnu disidí otro (pa e sektor di hóreka) òf si e kompania di estudio mes para e aktividatnan i/òf si nan no por sigui guia e studiante. E studiante tin e derecho pa temporalmente no sigui un stazje di e sekshon di BOL, si tin indikashon ku esaki por resultá den un situashon di riesgo. E studiante mester hasi esaki na tur momentu den komunikashon ku skol. Skol ta keda guia e studiante, ku ta hasiendo su stazje,  na distansia.

Skol por disidí tambe pa den sierto sektornan desplasá e stazje di e último periodo di e aña eskolar akí, pa e próksimo aña eskolar. Esaki por sosedé na momentu ku e no ta posibel pa ofresé studiantenan un bon lugá pa kore nan stazje.

Inskripshon, entrevista di atmishon, konseho di estudio obligatorio i registrashon

Tur hende ku ke kuminsá na ougùstùs ku un estudio di mbo, normalmente mester inskribí su mes pa mas tardá promé di aprel pa asina por tin derecho di atmishon na e estudio. A posponé e fecha di inskripshon akí por lo pronto ku un luna, pues te ku promé di mei.

Por inskribí digital via www.mbobonaire.com. Despues di inskripshon lo risibí un formulario di atmishon ku mester yena  i mandá bèk digital promé ku e entrevista di atmishon tuma lugá.

Dia 9 di mei MBO Boneiru lo tene un dia di atmishon. Riba e dia ei lo hiba e entrevistanan di atmishon ku dosentenan di e estudio, sea personalmente òf digital.