Minister Van Veldhoven ta manda kontesta pa Tweede Kamer riba preguntanan tokante Kadasterwet BES

Awe minister Van Veldhoven (Medio ambiente i Bibienda) a kontestá preguntanan di Tweede Kamer tokante Kadasterwet BES.

Stientje van Veldhuizen

E lei ta regulá pa kadasternan na Hulanda Karibense (Boneiru, Sint Eustatius i Saba) bai resortá bou di  Kadaster Hulanda. E meta di e lei ta pa garantisá kontinuidat i kalidat di kadasternan na e islanan i pa mehorá e siguridat hurídiko. A base di e kontestanan, Tweede Kamer lo disidí kon nan lo sigui atendé ku e proposishon di lei aki.

Pa e islanan e lei ta nifiká ku lo bai tin mas uniformidat den e manera di traha i mas transparensia. Esaki ta duna mas klaridat na usuarionan: doñonan, notarionan, kompanianan ku ta bende tereno i kas, bankonan i desaroyadó di proyekto. Konsulta ku e islanan pa loke ta trata por ehèmpel e tarifanan a haña un parti importante den e proposishon di lei aki. Oumento di e siguridat hurídiko ta stimulá tambe e merkado di propiedat i asina tambe desaroyo ekonómiko i prosperidat di e islanan.

Kadaster Hulanda ta duna sosten na e kadasternan di e islanan for di 2011 ku entre otro digitalisashon i outomatisashon. Na momentu ku e lei drenta na vigor Kadaster, den kombersashon estrecho ku Kolegionan Ehekutivo di e islanan, lo sigui ku e trayekto di modernisashon aki.