Medida di Hospital Horacio Oduber na Aruba en konekshon ku infekshon di e vírùs Corona
Despues ku 13 di mart a bira konosí ku a tèst e promé dos personanan na Aruba positivo pa e vírùs Covid-19, Hospital Horacio Oduber a disidí pa por lo pronto no aseptá pashènt di afó mas.
Pa prevení ekspanshon, e Hunta di direktiva huntu ku e ‘Outbreak Management Team HOH’, a disidí pa for di e momentu ei pone un paro elektivo (pashentnan ku ahinda mester operá) na vigor, pa garantisá seguridat di su pashèntnan. For di e momentu ei tambe lo no aseptá pashèntnan di afó tampoko.
Esaki ta nifiká ku e Ofisina di Kuida Médiko (ZVK), na nòmber di Fundashon Mariadal, no por manda pashènt Aruba pa traslado médiko na e momentunan aki. ZVK i FM lo hasi nan esfuerso pa bini mas rápido posibel ku un solushon pa e desaroyo aki.
ZVK ta komprondé ku esaki ta trese hopi inseguridat kuné serka pashèntnan ku tabatin un traslado médiko pa Aruba plania. Nos ta pidi pasenshi i fleksibilidat den e situashon ekstraordinario aki i ta konfia riba bo koperashon.
Pa pregunta tokante di bo traslado médiko nos ta referí bo na bo dòkter òf spesialista.