Diálogo Sentral ta bin ku vishon riba temanan sosial-ekonómiko
Resientemente den Diálogo Sentral Boneiru a logra akuerdo tokante un ‘Gemeenschappelijk Beleidskalender 2020-2030’ bou di e título “een stralende toekomst’. Akiden ta menshoná tur tema riba tereno sosial, ekonómiko i ekológiko ku Diálogo Sentral ke traha riba dje durante e tres añanan benidero.
E meta komun ta pa yega na un Boneiru atraktivo pa tur habitante, negoshi, i institushon, tantu sosialmente komo ekonómikamente i ekológikamente. Finalmente ta bai pa prosperidat duradero pa tur hende. Maneho di pobresa i labor mester bai man den man ku un bon klima di invershon pa kompanianan. Kosto di hasi negoshi i kosto di bida no mester ta haltu, manera na e momentu aki ta e kaso. Diálogo Sentral lo keda tambe den kombersashon ku Sekretario di Estado di SZW, Tamara van Ark, tokante esaki, manera palabrá anteriormente.
A trese e aktividat- i resultadonan di Diálogo Sentral 2019 huntu den un Relato anual 2019. Ademas Diálogo Sentral resientemente a duna konseho tokante algun parti importante di e legislashon sosial.
Modernisashon di e legislashon di labor
Den dunamentu di konseho tokante e modernisashon di e legislashon di labor, Diálogo Sentral ta boga pa registrashon obligá di kontrato di labor, un derecho di alimentashon i kòlf pa trahadónan femenino ku ta duna alimentashon di pechu i pa un prohibishon di trabou di warda (12 or di mardugá pa 6 or di mainta) pa trahadónan femenino na estado, implementashon di verlòf korto pagá ora ta trata di kalamidatnan ku status di emergensia, bishita na dòkter òf hospital no premirá dor di trahadó òf miembro di famia òf kuido di miembro di famia malu riba promé dia di malesa, implementashon di verlòf pagá pa trahadónan ku mester kompañá un miembro di famia pa eksterior pa kuido médiko i implementashon di verlòf di nasementu pagá pa 2 dia i mei pa e partner ku ta trahadó.
Lei di kondishon di labor
Riba petishon di Sekretario di Estado di SZW, Diálogo Sentral a konsehá tokante un konsepto pa un diseño di lei pa modernisá e legislashon di arbo. Den liñanan grandi Diálogo Sentral ta di akuerdo ku esaki pero tin si algun pregunta di aklarashon i ta pidi atenshon pa entre otro e karganan atministrativo i un trayekto di implementashon kuidadoso.
Riba 16 i 20 di aprel Diálogo Sentral lo reuní atrobe na Boneiru. E ora ei lo kombersá tokante entre otro e maneho di pèrmit di trabou.
Tur dokumentu menshoná por haña bèk riba www.centraaldialoogbonaire.com.