BelastingdienstCN ku posponementu spesial di pago

Ken ta bini na remarke pa esaki?

Tur empresario i individual, ku komo konsekuensia di e medidanan tumá pa kombatí e vírùs corona, no por kumpli ku nan debernan.

Riba kiko e posponementu spesial di pago aki aplikabel?
Pa tur aanslag i aangifte di impuesto. Ta trata di Algemene Bestedingsbelasting (ABB), Loonheffing (LH), Inkomstenbelasting (IB), Kansspelbelasting, Opbrengstbelasting i Vastgoedbelasting.

Pa kua período e posponementu ta aplikabel?
Di inmediato, pa un periodo di tres luna.

Ki ora por hasi petishon pa posponementu spesial di pago?
Despues di a hasi aangifte òf si bo a risibí bo aanslag kaba, por hasi un petishon pa  posponementu spesial di pago.

Tin gastu mará na e posponementu?
Na e petishon di posponementu aki no tin niun gastu mará ni no ta kobra niun interes.

Kon bo por bini na remarke pa posponementu spesial di pago?

Dor di manda un petishon pa posponementu di pago den kua ta motivá e motibu ku a haña problema di pago en konekshon ku e vírùs corona.

No lubidá di menshoná bo number di CRIB den e petishon. Semper mester di e number di CRIB ora ku tuma kontakto ku Belastingdienst. Ku e number di CRIB por redusí informashon na un persona òf kompania spesífiko.

Unda mi por manda mi petishon?

Via mail na:  helpdesk@belastingdienst-cn.nl

Via pòst: Boneiru, Pòstbùs 329, Sint Eustatius, Pòstbùs 24 i Saba, Matthew levenstone Street

Bo ta haña e posponementu spesial di pago outomátikamente ora bo hasi petishon?

Nos ta evaluá kada petishon individualmente pa chèk si bo ta bin na remarke pa posponementu spesial di pago.

Kiko ta pasa ku mi petishon pa posponementu?

Si akaso bo ta bin na remarke pa posponementu spesial di pago, den kombersashon ku bo ta drenta un areglo di pago adekuá.

Kon ta para ku ABB i LH?
Bo por hasi bo aangifte  via di e prosedura normal. Si bo hañá bo den problema pa kumpli ku bo aanslag, bo por manda un petishon pa posponementu. Posponementu di pago ta posibel solamente  riba e aanslag. Dor di entregá e aangifte  ta prepará e aanslag sin gastu adishonal te na e  suma korekto. Si bo no hasi aangifte, ta sigui un aanslag di e suma kalkulá pa nos plùs un but.

Mi por hasi aangifte Inkomstenbelasting 2020 ainda?
Si, por hasi e aangifte Inkomstenbelasting (IB) 2019 online te ku 18 di mei 2020, via https://mijn.belastingdienst-cn.nl/ib.  dor di e situashon aktual dor di e vírùs corona por ta posibel ku bo no por logra esaki promé ku e fecha menshoná. P’esei outomátikamente ta posponé e fecha te 18 di ougùstùs 2020. Si bo ta ferwagt di haña sèn bek, e ora ei por fabor hasi bo aangifte promé ku 18 di mei, pa asina por prosesá e aangifte pa mas tarda luna di òktober.

Unda mi por akudí pa otro pregunta?

Pa tur otro pregunta por manda un e-mail na helpdesk@belastingdienst-cn.nl

Belastingdienst ta supliká bo pa kumpli ku bo deber di hasi aangifte te kaminda ta posibel.