Spich presidente tekniko di EBT Curvin George 01-05-2020

Notisia | 01-05-2020 | 20:00

• Anke ku a menshoná ku ta suavisá e medidanan di emergensia entrante 6 di mei, skolnan, akohida despues di skol i krèsh si ta habri bek for di 11 di mei. Pa skol básiko i sekundario e regla di distansia sosial no ta konta pa e muchanan, pa adultonan si. Tin ku kumpli ku e regla ku no por tin mas ku 50 mucha huntu i tambe lo tin reglanan estrikto di higiena. Lo duna hopi informashon na skolnan pa asina mucha maestro i dosentenan sa kon pa tene nan mes i otro seif. E ámtenar di enseñansa obligatorio ta duna e instansianan aki e espasio te ku 24 di mei pa nan hasi e preparashon i tuma e medidanan nesesario pa por kumpli ku e reglanan aki. E palabrashon ta pa skolnan di forma kreativo kumpli e reglanan stipulá.
• Pa edukashon pa adulto si ta apliká e regla di distansia sosial. Tambe ta apliká e regla di no mas ku 50 hende huntu i reglanan estrikto di higiena.
• Aktividatnan di deporte kaminda ku mester mantené distansia sosial i no mas ku 50 hende huntu ta posibel atrobe entrante 6 di mei. Ehèmpel di esakinan ta  fitness i gym i entrenamentu di kualke deporte kaminda por mantené distansia sosial manera tènis i windsurf. Tin eksepshon pa muchanan di 0 pa 17 aña. Nan SI por  práktika deporte ku kontakto pero ku reglanan estrikto di higiena i ku presensia mínimo di adulto. Adultonan si mester tene distansia sosial. Aktividatnan di kompetensia di deporte kaminda tin hende ta bin wak e kompetensia si ta prohibí te próksimo aviso.
• Tambe entrante 6 di mei, gruponan por bai laman i bai kamper na laman manteniendo distansia sosial i no mas ku 50 persona huntu.
• Por tin servisio religioso entrante 6 di mei manteniendo distansia sosial i no mas ku 50 hende na un sitio.
• Pisina pa duna lès di landamentu,  por habri bou di reglanan estrikto di higiena, manteniendo distansia sosial i no mas ku 50 hende entrante 6 di mei.
• Restorant i otro establesimentunan di hóreka por sigui ta habrí basta tene kuenta ku distansia sosial i máksimo 50 persona na e lokalidat.
• Kasino por habri bou di reglanan estrikto di higiena, manteniendo distansia sosial i no mas ku 50 hende entrante 6 di mei.
• Organisashon di evenemento di mas ku 50 hende ta prohibí te na próksimo aviso.
• Tene kuenta ku e reglanan vigente ta keda válido te ku djamars awor 5 di mei 11:59 di anochi i inkumplimentu di esaki por tin konsekuensia. Departamento di mantenshon i supervishon den koperashon ku KPCN i Kmar lo sigui kontrolá i kaminda ta nesesario tuma e medidanan nesesario.
• Por suavisá e medidanan di emergensia entrante 6 di mei solamente si kada un di nos keda tene nos mes na e reglanan vigente.
• Tur otro regla stipulá den e ordenansa di emergensia ta keda vigente te ku un próksimo aviso.