DUO ta ofresé èkstra posibilidat di kontakto pa Antia

Dienst Uitvoering Onderwijs (DUO) ta bishitá e islanan den e parti Karibense di Reino ku regularidat pa duna informashon na futuro studiantenan i pa drenta den kombersashon ku èks studiantenan ku tin pregunta tokante nan debe di estudio. Lástimamente esaki no ta posibel dor di corona. P´esei for di fin di novèmber te ku promé di febrüari 2021, DUO ta ofresé èkstra posibilidat di kontakto pa Antia pa medio di internèt.

DUO biedt extra contactmogelijkheden voor Antillen

Webinar pa futuro studiantenan i personanan ku tin ku paga bèk

Den novèmber DUO ta publiká dos webinar pa duna kontesta riba e preguntanan mas importante ku tin. Eks studiantenan ku tin ku paga nan debe di estudio bèk, entrante djárason 18 di novèmber lo haña, entre otro, bista riba e posibilidatnan pa paga bèk lokalmente i pa por hasi petishon pa balorá nan kapasidat finansiero. Pa futuro studiantenan lo tin un webinar ku ta disponibel enrante  25 di novèmber ,tokante aplikashon di finansiamentu di estudio. Por mèldu bo mes pa e webinarnan via duo.nl/webinar/.

Chat i bèl via di vidio

Si èks studiantenan òf futuro studiantenan ke mas informashon despues di a wak e webinarnan, nan por hasi uso di un kanal di chat spesial ku a krea riba duo.nl/antillen. Nan por hasi preguntanan na DUO entrante  19 di novèmber te ku promé di febrüari otro aña, riba tur djaweps. Ademas ta posibel pa for di fin di novèmber, riba djamars i djabièrnè, drenta den kontakto personalmente ku un kolaboradó di e tim Karibense di DUO, ku afsprak, pa medio di vidio.

Trabou na midí

Un bishita previo di DUO plania na mart, lástimamente na último ora no por a tuma lugá pa motibu di corona. Eks studiantenan ku retraso den pago, ku mester a hiba kombersashon ku DUO, a haña un invitashon personal pa un kombersashon pa medio di vidio. Ainda nan ta haña e oportunidat pa huntu ku un kolaboradó di DUO konhuntamente yega na un solushon. Lo konsiderá e situashon personal di e eks studiante i kaminda ta posibel lo bin ku un solushon na midí.

DUO ta ehekutá entre otro lei i regulashonnan riba e tereno di finansiamentu di institutonan di enseñansa, e dunamentu di finansiamentu di estudio i kontribushon den e gastunan eskolar, kobra debenan di estudio i atministrá i tambe interkambiá dato konektá ku e number di enseñansa pa ministerio di OCW.