Inisio di konsulta pa proposishon di lei Akohida di mucha Hulanda Karibense
E konsulta pa e proposishon di lei Akohida di mucha Hulanda Karibense a inisiá na kuminsamentu di novèmber i ta dura te ku 31 di desèmber 2020. E reglanan básiko pa akohida di mucha ta ankrá den e proposishon di lei. Meta ta pa kontribuí na akohida di mucha bon, seif i pagabel pa tur mucha na Hulanda Karibense, di manera ku kada mucha tin e oportunidat pa desaroyá su mes sufisiente.
Na e momentu aki ya tin un Ordenansa insular Akohida di mucha ku ta kontené hopi regla tokante kalidat di sentronan di mucha i ‘gastouder’. Tin tambe un areglo di supsidio temporal pa akohida di mucha. Ku e supsidio akí un organisashon pa akohida di mucha por drecha e kalidat i baha e gastunan pa mayornan.
Den e proposishon pa e lei nobo ta ankra tur e reglanan pa kalidat pa un periodo largu, inkluso e supervishon. Banda di esei tin den e proposishon pará kon nos ta bai finansiá akohida di mucha strukturalmente, ora e areglo di supsidio temporal stòp.
Promé ku e proposishon di lei bira definitivo, lo reuní ku organisashonnan di akohida di mucha, mayornan i skolnan básiko na Boneiru, Saba i Sint Eustatius, den enkuentronan di konsulta. Tambe tur hende por duna nan opinion via di internèt te ku 31 di desèmber 2020.
Via di www.best4kids.nu (klèk riba ‘Regulashon Legal’) por konsultá e proposishon di lei i por manda remarke. Aki bo por haña un kompilashon di e proposishon i tambe foyetonan pa organisashonnan di akohida i mayornan.