E ganadó di e Festival di Pelíkula di Derechi di Mucha di Unicef Boneiru 2020

Durante di un show ‘live’ for di studio di NOSTV, e alumnonan di e skolnan partisipante Skol Amplio Papa Cornes, Kolegio Strea Briante i skol básiko Pelikaan, tabata presente via konekshon ku video. E muchanan ku a traha na e pintura di Kolegio Kristu Bon Wardador entretantu a bai skol sekundario i p’esei algun di nan tabata presente den studio pa asistí na e show di televishon. Mas grandi tabata e sorpresa ora ku a skohe nan komo ganadó. Nan ta sigui bai e final entre e islanan ku lo tuma lugá dia 21 di novèmber.