Duana BCN ta interseptá droga na Aeropuerto Flamingo na Boneiru
Den oranan di mainta di djárason 19 di ougùstùs, Duana a topa ku 850 gram di mariwana serka un pasahero femenino, durante di kontrol rutinario di pasahero i ekipahe.
E dama, ku durante di kontrol di e pasaheronan ku a kaba yega ku un vuelo prosedente di Kòrsou, a yama atenshon di Duana i a kontrole.
Durante di e kontrol a bin topa ku diferente pakete di mariwana pega na kurpa di e sospechoso. Duana a konfiská e mariwana i a detené e sospechoso di inisial C.E.F. di 46 aña.
A trasladá e droga i e sospechoso pa Kmar pa mas investigashon.