Sekretario di Estado Raymond Knops ta bishitá Boneiru i Kòrsou
Sekretario di Estado Raymond Knops (Interior i Relashon den Reino) lo realisá un bishita di trabou na Boneiru i Kòrsou di 31 di ougùstùs pa 3 di sèptèmber.
Sekretario di Estado Raymond Knops (Interior i Relashon den Reino) lo realisá un bishita di trabou na Boneiru i Kòrsou di 31 di ougùstùs pa 3 di sèptèmber.
Gezaghèber, Edison Rijna, lo risibí Sekretario di Estado na Boneiru, kaminda e lo hiba kombersashon ku miembronan di Kolegio Ehekutivo i Konseho Insular, ku e mènedjer di programa di ‘akuerdo di gobernashon ’ i un grupo di ‘young professionals’. Tambe e lo bishitá voedselbank, papia ku representantenan di sektor privá i Kamara di Komersio tokante ayudo di corona. Un bishita na Fundashon Mariadal i Stinapa tambe ta riba programa.
Na Kòrsou, representante di Hulanda, Erwin Arkenbout, lo risibí e Sekretario di Estado. Tin kombersashonnan programá ku Gobernador, sra. Lucille George-Wout i Prome Minister, Eugene Rhuggenaath. E Sekretario di Estado lo bishitá Krus Kòrá i organisashonnan partner den kuadro di e ayudo di corona di Hulanda. Despues e lo hasi un rekorido den vários bario, kaminda e lo papia ku boluntarionan di NGO’s i sentronan di bario. Tambe riba e programa tin un reunion ku ‘stakeholders’, representantenan di sektor privá i organisashonnan sosial tokante rekuperashon di ekonomia i maneho.