Ekonomía di Boneiru a krese den 2018

E produkto interno bruto (bbp) di Boneiru a oumentá ku un volúmen di 3,9 porshento na 2018. Na Sint Eustatius tabata tin un bahada di 11,8 porshento i na Saba e bbp a baha ku 2,5 porshento. Esaki ta loke CBS ta indiká basa riba sifranan nobo.

Centraal Bureau voor Statistiek

E mutashon den volúmen di e bbp* ta e desaroyo di e balor di e bbp koregí basá riba e desaroyo di preis. Pa e korekshon di preis a hasi uso di e índise di preis pa konsumidó.

Kresementu den hóreka, konstrukshon i institutonan finansiero na Boneiru

E balor agregá** di hóreka na Boneiru a subi ku 19,3 porshento. Ku esaki konhuntamente ku e instansianan financiero, hóreka ta e industria ku mas a krese den 2018. E kresementu den hóreka ta kana konhuntamente ku e apertura di establesimentunan nobo den hóreka na aña 2018. Tambe e kantidat di turistanan ku a drenta pa medio di avion i turistanan krusero a oumentá ku 10 porshento. A konstruí na abundansia na Boneiru den aña 2018. E produkshon di konstrukshon a oumentá ku mas di 6 porshento.
Pa motibu ku e uso intermediario (e produktonan i servisionan ku ta ser usá den e proseso di produkshon) den konstrukshon a subi ménos drástiko, e balor agregá a oumentá ku 13 porshento.

E demanda pa bibienda ta grandi na Boneiru i esaki ta bisto na e kantidat di kasnan ku a ser bendí i e preisnan di e kasnan, kual a subi ku respektivamente 52,8 porshento i 21,6 porshento na 2018. E agente imobilarionan i hürdó di kasnan a benefisiá di esaki. E balor agregá di e hür i komèrsio den bienes a oumentá ku 9,5 porshento. E servisionan empresarial tambe a benefisiá di e merkado di bibienda fuerte. Ademas e oumento den e kantidat di turista tambe a sòru pa un oumento serka kompanianan di hür outo den e industria empresarial.

Tambe tin industrianan ku a presta ménos bon den 2018. E balor agregá di e industria di transporte, informashon i komunikashon a baha ku 15,5 porshento. E bahada aki a ser okashoná pa algun kompania grandi ku ta aktivo den transportashon i almasenahe di merkansia. E kompanianan aki a ser influensiá negativamente dor di desaroyonan den e industria petrolero regional. E sobrá kompanianan den e industria aki a operá bon den 2018. Tambe e bahada den agrikultura i ekstrakshon di mineral ta debí na un kompania grandi.

E balor agregá di kompanianan di utilidat a baha ku 4,9 porshento, paso e konsumo a subi mas ku e produkshon di awa (7,2 porshento) i koriente (-0,3 porshento). Meskos ta konta pa kuido, kaminda enbèrdat e produkshon a oumentá, pero nos di mesun forma ku e uso intermediario.

Disminushon na Sint Eustatius i Saba

E bahada di 11,8 porshento na Sint Eustatius ta debí na algun kompania grandi riba e isla. E kompanianan aki ta produsí primariamente pa eksportashon i ta dependé di desaroyonan regional den sektor petrolero. Nan tambe a sufri den 2018 pa konsekuensianan di orkan Irma i Maria ku den sèptèmber 2017 a pasa na e islanan ariba. Aunke e kompanianan aki ta di un impakto grandi riba e bbp, nan impakto riba e entrada nashonal ta hopi mas limitá. E ganashi di e kompanianan aki no ta ser kontá komo parti di e entrada nashonal, paso e kompanianan ta kompletamente propiedat di akshonistanan ekstranhero. E kompanianan ta kontribuí primariamente ku un aporte na e ingreso generá dor di trabou riba e isla.

E disminushon na Saba a ser okashoná dor di e konsekuensianan di orkannan Irma i Maria. E turismo entrante pa medio di boto i avion a baha ku kasi 16 porshento na 2018. Pa esei e balor agregá di hóreka a baha. Mas aleu e balor agregá di edukashon tambe a baha, paso na 2018 tabata tin ménos studiante ku na 2017.

Revishon di e bbp di Hulanda Karibense

E aña aki e bbp di Boneiru, Sint Eustatius i Saba a ser revisá. Esaki a kondusí na un adaptashon di e bbp riba tur e tres islanan. Mas informashon tokante e revishon*** ta disponibel na final di e artíkulo aki.

Fuentenan (na hulandes):

StatLine – Bonaire; Bruto toegevoegde waarde in basisprijzen per bedrijfstak

https://opendata.cbs.nl/statline/#/CBS/nl/dataset/84769NED

Nieuwsbericht – Prijsindex woningen Bonaire, 2018

https://www.cbs.nl/nl-nl/maatwerk/2019/43/prijsindex-woningen-bonaire-2018


Aklarashonnan:

*bbp: E bbp, e produkto interno bruto ta e midí ku nos ta huza pa ekspresá e grandura di ekonomía. E bbp ta suma di tur balor agregá di tur produkto i servisio produsí dor di entre otro kompanianan i gobièrnu. Esaki ta e balor agregá den ‘preisnan base’.

https://www.cbs.nl/nl-nl/onze-diensten/methoden/begrippen?tab=b#id=bruto-binnenlands-product--marktprijzen----bbp--

**balor agregá: e diferensia entre produkshon (preisnan básiko) i e uso intermediario (ekskluyendo impuesto riba balor agregá, BTW na hulandés).

https://www.cbs.nl/nl-nl/onze-diensten/methoden/begrippen?tab=t#id=toegevoegde-waarde--bruto-basisprijzen--

***Revishon di bbp di Boneiru, Sint Eustatius i Saba :

Kuentanan nashonal ta ser revisá periódikamente. Ademas fuentenan nobo, métodonan i konseptonan lo ser introdusí, pa asina e imágen di e ekonomía ta optimal i den akordansa ku e statistiknan subayesente, fuentenan i poutanan internashonal pa e kompilashon di e kuentanan nashonal.

Esaki ta e promé biaha ku CBS- for di momentu ku a kuminsá midi e produkto interno bruto (bbp) den Hulanda Karibense na 2014 (tokante informe anual 2012)- a realisá un revishon di e bbp. Tin tres motibu pa kua CBS a realisá un revishon e aña aki:

  • Den transkurso di e aña aki un registro di kompanianan mehorá a ser hasí disponibel den kua tur kompanianan ku ta ehersé un aktividat ekonómiko riba e isla a ser registrá. E registro ta kontené e.o. e industria (SBI 2008, un format stándart internashonal di aktividatnan ekonómiko) i e kantidat di personanan empleá den kada kompania.
  • E kolaborashon ku servisio di impuesto di Hulanda Karibense a ser intensivá den transkurso di e último añanan, kual a hasi e akseso na datosnan finansiero di kompanianan mas mihó.
  • E muestra i método di elevashon a mehorá e aña aki.

E revishon a tuma lugá enkuanto e informe anual 2017. Esaki ta enserá ku promé ku 2017 a establesé un nivel di bbp nobo pa tur e tres islanan. Konsekuentemente a establesé e balor- volúmen- i desaroyonan di e bbp promé ku e revishon i a hasi uso di e datonan aki pa generá un bbp nobo pa preisnan aktual i preisnan di 2017 pa e añanan 2012 te ku 2016.
E revishon pa Boneiru i Sint Eustatius a kondusí na un adaptashon rigoroso di e bbp di 2017 di respektivamente 52 mion i 34 mion dòler Merikano. E adaptashon na Saba tabata trata solamente 1 mion dòler.

E motibu pa e adaptashon rigoroso di e bbp di 2017 ta debí na e echo ku promé ku e revishon a tuma lugá, e bbp tabata ser kalkulá di un forma kompletamente diferente. Na 2012 CBS a stipulá e nivel di e bbp pa tur e tres islanan basá riba e fuentenan ku na e momentu ei tabata disponibel. Den e añanan ku a sigui (2013-2017) a kalkulá e bbp dor di kompará e desaroyonan di e fuentenan ku e nivel di e bbp di e aña anterior. Pero pa motibu ku fuentenan den e transkurso di e último seis añanan a mehorá drástikamente e nivel di e bbp a desviá mas i mas for di e fuentenan. Despues di e revishon di e bbp di 2017 nos ta den akordansa ku e nivel di e fuentenan.