Nolly Oleana, nombrá komo Gezaghèber suplente di Boneiru
Entrante promé di òktober 2020 a nombra Nolly Oleana komo Gezaghèber suplente di Entidat Públiko Boneiru, pa un periodo di 3 aña. Representante di Reino suplente, Jan Helmond, a hurament’é riba 29 di sèptèmber, den presensia di Gezaghèber Rijna.
Nolly Oleana ta hefe di departamentu di Enseñansa, Kultura i Siensia (OCW) Hulanda Karibense. E lo ehersé e funshon di Gezaghèber suplente den ousensia di Gezaghèber.
Nombramentu di un Gezaghèber suplente ta un responsabilidat i outorisashon di Representante di Reino. E Gezaghèber suplente aktual, Curvin George, algun tempu pasá a duna di konosé ku e ke bandoná e funshon. P’esei e Representante di Reino suplente a inisiá e prosedura pa yega na un nombramentu nobo. Pa esaki a tene kombersashon ku entre otro e miembronan di Kolegio Ehekutivo i Konseho Insular.