Kombenio renobá Kas di Kuido i Seguridat Boneiru

Notisia | 27-01-2020 | 14:40

Den e kombenio tin akuerdonan tokante e enfoke konhunto di problemanan kompleho denter di famianan i e protekshon di datonan personal. E organisashonnan enbolbí ta di salú, hustisia, enseñansa i gobièrnu lokal. 

Kas di Kuido i Seguridat

Kas di Kuido i Seguridat ta eksistí ya pa 5 aña na Boneiru. E ta un ret di kolaborashon entre hustisia, sosionan di kuido, edukashon i e entidatnan públiko. Nan ta manehá problemanan serio denter di famianan pa limitá molèster i kriminalidat, pero tambe pa ofresé yudansa ku, por ehèmpel, problemanan den kriansa. E proseso ta lo siguiente: un empleado di un organisashon ta aportá un situashon problemátiko na Kas di Kuido i Seguridat.

E otro organisashonnan ta trese e informashon nesesario huntu. Despues ta apuntá un kordinadó (direktor di kaso), ku ta traha un plan di akshon huntu ku e miembronan di famianan embolbí i e partnernan di kadena, pa asina manehá e problema. E modelo ta funshoná asina: 1 famia, 1 plan di akshon, i kordinadó. Di e manera aki ta yuda e famia mihó ku maneho di nan problemanan ya nan no ta haña di aber ku diferente organisashon di ayudo.

Na Saba i Sint Eustatius tambe ta traha ku e format di Kas di Kuido i Seguridat. E nòmber Kas di Seguridat hopi biaha ta trese bruashon. Hende sa pensa ku ta trata un edifisio kaminda personanan por haña refugio. 

Protekshon di famia

Huntu ku e relashon di koperashon tin un kombenio di privasidat. Den esaki tin skibí kon e servisionan tin ku dil ku informashon interkambiá tokante e famia, pa asina protehá privasidat i e famia bon.

Dia di Privasidat

Promé ku firmamentu di e kombenio, tur esnan embolbí den Kas di Kuido i Seguridat Boneiru a sigui un kurso tokante kon pa dil ku e akuerdonan di privasidat den e kombenio. E koperashon intensifiká, e tayer i e kombenio nobo atrobe ta un paso adelante den e kuido i protekshon di klientenan.