Edishon speshal di Donald Duck pa skolnan básiko na Boneiru
Djaweps 9 di yanüari Fundashon Lesa i Skibi, Boneiru (Stichting Lezen en Schrijven Bonaire) ta repartí un edishon speshal di e revista Donald Duck na skolnan básiko di Boneiru.
E edishon ta na Hulandes i yama ‘Donald Duck duikt in de digitale wereld’. E revista pa mucha aki ta un inisiativa di e Ministerio di Asuntu Interno i Relashon den Reino huntu ku redakshon di Donald Duck.
Den e edishon speshal aki ta informá muchanan di desaroyonan rápido den e mundu di inteligensia artifisial, teknologia i e norma, balor i reglanan ku tin pa esaki.
Pa medio di diferente storia di karikatura , teps, pùzel ta siña muchanan na un manera plasentero i den forma di wega kiko tur tin den e mundu digital.
Lo repartí mas ku 700 ehemplar pa muchanan di grupo 7 i 8 na tur skol básiko na Boneiru. Dosentenan di e klasnan aki lo haña instrukshon i material di lès ku ta pertenesé na tema pa asina pone atenshon den klas na e mundu digital. Tambe lo repartí e revistanan via di Mediabus.
A manda e revistanan di Donald Duck pa Saba i Sint Eustatius tambe i despues lo repartí esakinan na skolnan aya tambe.