No tin kambio pa loke ta derechi riba transpòrt spesial pa aseguradonan di ZVK, solamente di transportadó
Ofisina di Seguro di Kuido Hulanda Karibense, ZVK, a introdusí entrante 1 di yanüari 2020 algun kambio menor pa loke ta trata transporte na tera (transporte spesial) pa aseguradonan konforme e Areglo di derechi riba Kuido (Regeling Aanspraken Zorg, konosé tambe komo RAZ BES). Ta trata aki di prinsipalmente kambio di transportadó riba islanan Boneiru i Sint Maarten.
Entrante 1 di yanüari, transporte na tera na Boneiru, prinsipalmente pa loke ta trata transporte pa persona den ròl-stul (ku pèrmit previo di ZVK) ta tuma lugá dor di e empresa Blessing Transport. No tin kambio den e provishonnan pa loke ta trata transporte di hende grandi.
Transporte na tera pa personanan ku mester biaha pa risibí tratamentu médiko na Sint Maarten o Saint Martin ta tuma lugá entrante 1 di yanüari 2020 pa medio di e kompania SC & Marine Services. Ta trata aki di transporte di aeropuerto Juliana pa sitio di tratamentu i bek pa aeropuerto. No tin kambio pa loke ta transporte na tera na e otro destinashonnan unda aseguradonan ta biaha pa risibí kuido. Na Aruba esaki ta sosodé pa medio di e empresa Armada Port Services i na Kòrsou, Catharina Care Foundation. No tin kambio tampoko pa loke ta prosedernan pa hasi uso di e servisio di transporte aki.
Tampoko no tin kambio tampoko pa loke ta transporte spesial ‘na sitio’ na Saba i Sint Eustatius. E empresanan Accessible Ventures Sint Eustatius i Accessible Ventures Saba lo kontinuá ku dunamentu di e servisio na aseguradonan di ZVK riba e islanan menshoná. Aseguradonan ku mester di mas informashon por yama telefon 715 8899 o e-mail: info@zorgverzkeringskantoor.nl.