Preis di konsumidó na Hulanda Karibense mas abou den e di dos kuartal 2020
Den e di dos kuartal di 2020 merkansianan di konsumidó i servisionan na Boneiru tabata 1,4 porshento mas barata ku un aña anterior. Na Sint Eustatius preisnan riba base anual a baha ku 1,3 porshento i na Saba ku 1,1 porshento. Esei CBS ta informá a base di e índise di preis di konsumidó Hulanda Karibense.
Por atribuí e bahada di preis pa gran parti na e kompensashonnan ku ku gobièrnu ta suministrá entrante 1 di mei 2020 riba koriente, awa i internèt. E tarifanan di uso fiho pa elektrisidat i awa pa e motibu aki ta sero i riba konekshonnan di internèt fiho tin un deskuento mensual di 25 dòler. A pesar ku e tarifanan di aprel tambe ta inkluí den e sifranan pa e di dos kuartal, e efekto di e kompensashonnan ta bon bisto den e resultadonan.
Na Boneiru e nivel di preis promedio a baha ku 1,4 porshento kompará ku e di dos kuartal di 2019.
Dor di e medidanan di gobièrnu e preisnan pa telekomunikashon a baha ku 19,4 porshento promedio kompará ku e promé kuartal di 2020. Elektrisidat den e dos kuartal tabata 11,7 porshento mas barata ku un kuartal anterior i awa 11,2 porshento.
Preisnan na Sint Eustatius 1,3 porshento mas abou
Preisnan di konsumidó na Sint Eustatius den e promé kuartal di 2020 tabata 1,3 porshento mas abou ku un aña anterior. E medidanan di gobièrnu a sòru pa e preis pa telekomunikashon den e di dos kuartal baha ku 17,6 porshento promedio kompará ku e promé kuartal di e aña aki. E preis pa koriente a baha ku 7,0 porshento i awa a bira promedio 6,7 porshento mas barata den e di dos kuartal. Mas aleu preis di gasolin a baha ku 13,0 porshento kompará ku e promé kuartal.
Preisnan pa paña i sapatu a baha ku promedio 8 porshento kompará ku un kuartal anterior.
Preisnan di konsumidó na Saba a baha esun di mas ménos
Na Saba den e promé kuartal di 2020 produkto i servisio a sali e konsumidónan promedio 1,1 porshento mas barata ku un aña anterior. Aki e medidanan di gobièrnu a sòru ku den e di dos kuartal preisnan di koriente a baha ku 16,8 porshento promedio i ku telekomunikashon a bira 12,6 porshento mas barata kompará ku e promé kuartal di 2020.
Paña i sapatu tabata mas di 7 porshento mas barata ku un kuartal anterior.
Konsekuensianan di e krísis di corona pa kompilashon di e índise di preis di konsumidó (CPI)
Dor di e medidanan di gobièrnue disponibilidat di hopi servisio tabata limitá den partinan di e di dos kuartal di 2020. Pa e motibu aki no ta tur ora tabata por hasi opservashon di preis pa sierto produktonan. Na Saba no tabata posibel pa hasi opservashon di preis den tiendanan pa motibu di ‘shelter in place’. Pa e produktonan aki CBS a skohe pa un método di kalkulashon apropiá. Den e nota inkluí na e komunikado aki ta splika e eskohonan.
Sifranan tentativo
E sifranan tokante e di dos kuartal di 2020 ta tentativo i lo stipulá nan definitivamente ora ku publiká sifranan tokante e di tres kuartal di 2020.
Fuente:
StatLine: Caribisch Nederland
http://opendata.cbs.nl/#/CBS/nl/dataset/84046NED/table?dl=3C5D