Gabinete ta prolongá pakete di emergensia pa Hulanda Karibense

Gabinete a disidí awe pa prolongá e pakete di emergensia pa habitante- i kompanianan na Boneiru, Sint Eustatius i Saba, pa motibu di e vírùs di korona, ku kuater luna te ku 12 di òktober. Habitante- i kompanianan na Boneiru, Sint Eustatius i Saba ta forma parti di Hulanda i pa e motibu aki nan por hasi uso di medidanan similar ku esnan afektá na e parti Oropeo di Hulanda ta usa.

SZW financial aid

E krísis di e vírùs di korona tin un impakto enorme riba e komunidat na Hulanda Karibense. Enkuanto salubridat te ku awor e islanan pa gran parti  a keda liber di e vírùs di korona. Enkuanto ekonomia tantu Boneiru, Sint Eustatius i Saba a risibí un impakto fuerte. E sektor di turismo kual ta forma un gran parti di e ekonomia, a bin ta para ketu.

Banda di e medidanan eksistente e gabinete ta añadí algun medida nobo. Tin entre otro e medida temporal pa ku plaka di malesa, ta ekstendé e medida temporal pa sosten den gastu figo (te ku un máksimo di 50.000 euro pa kompanianan) i temporalmente lo añadí e areglo di KCC (areglo Fiansa Chikí Corona) pa empresanan chikí. Alabes gabinete ta pone 1.3 mion euro disponibel pa e entidatnan públiko por yuda siudadano- i kompanianan ku adishonalmente tin mester di esaki basá riba e maneho stipulá riba e isla.

Sekretario di estado di Asuntunan Interior i Relashonnan di Reino, e mandatario di Finansa, e minister di Infrastruktura i Planifikashon Urbano i e sekretario di estado di Asuntunan Sosial i Labor a manda e di dos pakete di emergensia aki pa Tweede Kamer. Sekretario di estado Raymond Knops a laga sa lo siguiente na nòmber di gabinete:

“Ku e prolongashon aki tambe nos ta protehá i sostené pa e periodo binidero trabou- i entradanan di kompania- i empresarionan individual. Tempunan difísil ta na kaminda, den kua lo rekerí hopi di e komunidat. Alabes e gabinete ta konvensí ku tambe den e temporada di krísis aki e forsa di e islanan lo sòru pa huntu, tantu gobièrnu komo e komunidat, na ámbos banda di oséano, lo sali na vigor.”