A stipulá tarifanan máksimo pa distribushon di elektrisidat na Hulanda Karibense

E Outoridat Konsumidó i Merkado (ACM, Autoriteit Consument & Markt) a stipulá e tarifanan máksimo pa e distribushon di elektrisidat na Hulanda Karibense manera nan ta na vigor for di promé di yüli 2020.

ACM ta publiká tarifanan máksimo pa elektrisidat i awa di bebe 2019 pa Saba

ACM ta stipulá e tarifanan máksimo pa e produkshon i distribushon di elektrisidat na Hulanda Karibense. E kompanianan di utilidat públiko ku esaki ta stipulá e tarifanan ku berdaderamente nan ta kobra. Pa e distribushon di elektrisidat ACM ta ahustá e tarifanan máksimo semper entrante promé di yüli pa por tene kuenta ku e desaroyo di e preisnan pa e kombustibel nesesario pa produsí elektrisidat.

Boneiru

Pa Boneiru e tarifa máksimo di uso variabel ta subi di 0,2225 USD/kWh pa 0,2277 USD/kWh. E tarifa maksimal di pagabon (prepago) ta subi di 0,4328 USD/kWh pa 0,4380 USD/kWh. Pa e uso di un famia promedio na Boneiru esaki por nifiká un subida di mas o ménos USD 1,50 pa luna.

E tarifanan máksimo na Boneiru ta subi un tiki pa motibu di falta di zeta kombustibel i p’esei mester usa disel pa generá elektrisidat. Disel ta mas karu ku zeta kombustibel, pero pa motibu di e preisnan abou di zeta aktualmente, e efekto di esaki riba e tarifanan ta limitá kompará ku e tarifanan di promé ku promé di yüli 2020.

Sint Eustatius

Pa Sint Eustatius e tarifa máksimo di uso variabel di 0,3018 USD/kWh ta baha pa 0,2450 USD/kWh. E bahada aki ta partikularmente pa motibu di e preisnan abou di zeta aktualmente. Pa e uso di un famia promedio na Sint Eustatius esaki ta nifiká un redukshon di mas o ménos USD 15 pa luna.

Saba

Pa Saba e tarifa máksimo di uso variabel di 0,2912 USD/kWh ta baha pa 0,2151 USD/kWh. E bahada aki ta partikularmente pa motibu di e preisnan abou di zeta aktualmente. Pa e uso di un famia promedio na Saba esaki ta nifiká un redukshon di mas o ménos USD 20 pa luna.