Gobièrnunan ta firma akuerdo di kooperashon 13+
Riba 8 di desèmber 2021, e entidatnan públiko di Hulanda Karibense i e sinku departamentonan di Gobièrnu Sentral a firma e akuerdo di koperashon 13+. Ku esaki e diferente partidonan ta palabrá pa di awor pa dilanti traha huntu ora ta trata di hóbennan entre 13 i 23 aña na Hulanda Karibense. Ku kolaborashon riba diferente tema importante pa hubentut, e partnernan ke sostené desaroyo di hóben i adolesente di e tres islanan karibense optimalmente.
E partidonan ta bai traha huntu riba e siguiente temanan: alohamentu pa hóben i adolesente, aktividatnan pa tempu liber i pa desaroyo, kombatimentu di pobresa, violensia doméstiko i maltrato di mucha i enseñansa i trabou.
E kolaborashon akí entre e entidatnan públiko i Gobièrnu Sentral a originá a base di e investigashon ‘No ta importá unda bo a nase’ (‘Het maakt uit waar je wieg heeft gestaan’) di Defensor di Pueblo Nashonal i Defensor di Pueblo di Mucha. Den e rapòrt aki e Defensornan di Pueblo ta skirbi ku ta importante pa traha maneho den kua diferente organisashon ta enbolbí.
Defensor di Pueblo di Mucha, Margrite Kalverboer, ta bisa tokante e akuerdo di kooperashon 13+: “‘Pa realmente mehorá perspektiva di mucha i hóben, traha di manera integral ta un kondishon. E kolaborashon aki ta un bunita ehèmpel di esaki ku meresé imitashon na otro partinan tambe den Reino.”
Banda di e entidatnan públiko di Boneiru, Saba i Sint Eustatius, e siguiente ministerionan di Gobièrnu di Reino a firma e akuerdo 13+: ministerio di Asuntunan Sosial i Empleo (SZW), ministerio di Asuntunan Interno i Relashon den Reino (BZK), ministerio di Enseñansa, Kultura i Siensia (OCW), ministerio di Hustisia i Siguridat i ministerio di Salubridat, Bienestar i Deporte (VWS)
