Koninklijke Marechaussee i partnernan den kadena ta organisá ehersisio kon pa manehá konflikto i krísis na aeropuerto di Boneiru
Riba djabièrnè mainta 10 di desèmber Koninklijke Marechaussee (KMar) konhuntamente ku partnernan den kadena ta organisá un ehersisio kon pa manehá konflikto i krísis na Bonaire International Airport. E ehersisio ta tuma lugá entre 10 or di mainta i 1 or di mèrdia na e edifisio di catering na aeropuerto. Esaki por inkluí ku por mira huma, ku ta parti di e ehersisio.
Koninklijke Marechaussee ta enkargá ku entre otro tarea di polis na i den bisindario di aeropuerto i ta sostené polis ora ta nesesario. Pa e motibu aki, aktua den situashon di krísis ta un parti importante di e tareanan i kolaborashon.
Den kolaborashon ku Kuerpo Polisial Hulanda Karibense (KPCN), Kuerpo di Bombero Hulanda Karibense (BKCN), Entidat Públiko Boneiru (OLB) i Bonaire International Airport (BIA), ta praktiká un senario di krísis durante di e ehersisio pa ta bon prepará pa eventual desaster. E eksperensianan despues di e ehersisio ta duna un bista kiko ta bai bon den e kolaborashon i unda ainda tin nesesidat di kordinashon i profeshonalisashon.
Resientemente empleadonan di Koninklijke Marechaussee a sigui un kurso di dos dia riba tereno di kon pa manehá konflikto i krísis. Bureau Conflict- en Crisisbeheersing, ku ta forma parti di e Landelijk Tactisch Commando (LTC) di KMar, a duna e kurso. E kurso tabatin komo meta pa amplia konosementu i abilidat di e personal aun mas pa por aktua adekuadamente ora di krísis òf kalamidat; e ehersisio di dia 10 di desèmber ta pas bon den esaki.