CBS ta inisiá enkuesta Kuenta Nashonal Hulanda Karibense 2019
Durante e próksimo lunanan Ofisina Sentral di Estadístika (CBS) lo ehekutá un investigashon di rendimentu i gastunan di produkshon bou di sektor empresarial riba e islanan di Hulanda Karibense, komo parti di enkuesta riba Kuenta Nashonal. E investigashon aki tin komo meta pa hasi un inventarisashon di desaroyo ekonómiko riba Bonaire, Saba i St Eustatius. CBS lo aserká e organisashonan riba e tres islanan pa kompletá e kuestionario.
Gran parti di e investigashon lo ta ehekutá a base di diferente fuentenan aksesibel, pa di tal manera alivia e organisashonnan mas tantu posibel. E organisashonan ku no por wòrdu investigá di e manera aki lo risibí un karta di CBS. Seguidamente lo publiká e resultadonan di e investigashon den e último kuartal di aña 2021.
Algun resultado di e investigashon di 2018:
- E produkto interno bruto (bbp) di Boneiru a oumentá ku un volúmen di 3,9 porshento na 2018. Na Sint Eustatius tabata tin un bahada di 11,8 porshento i na Saba e bbp a baha ku 2,5 porshento.
- E balor agregá di hóreka na Boneiru a subi ku 19,3 porshento. Ku esaki konhuntamente ku e instansianan financiero, hóreka ta e industria ku mas a krese den 2018. E balor agregá di e sector di kostrukshon a oumentá ku 13 porshento.
- E bahada di 11,8 porshento na Sint Eustatius ta debí na algun kompania grandi riba e isla. E kompanianan aki ta produsí primariamente pa eksportashon i ta dependé di desaroyonan regional den sektor petrolero. Nan tambe a sufri den 2018 pa konsekuensianan di orkan Irma i Maria ku den sèptèmber 2017 a pasa na e islanan ariba.
- E disminushon na Saba a ser okashoná dor di e konsekuensianan di orkannan Irma i Maria. E turismo entrante a baha loke a kousa un vahada di e balor agregá di hóreka.
Pa por garantisá éksito di e investigashon riba tur tres isla, CBS ta pidi kooperashon di tur organisashon selektá. Pa lei, CBS tin e obligashon di trata na un manera estriktamente konfidensial tur dato rekolektá.
CBS ta gradisí tur organisashon di antemano pa nan koperashon i ta informá tambe ku den kaso di ta nesesario por yuda ku kompletá e kuestionario.
Pa mas informashon i pregunta por tuma kontakto ku ofisina di CBS.
CBS Caribisch Nederland
Bulevar Gobernador N. Debrot 67, unit 9
Kralendijk Boneiru
Númber di telefòn: +599 717 8676
Email: caribischnederland@cbs.nl