Fortifikashon di merkado di bibienda pa hür na Boneiru
Awe Eerste Kamer a aprobá e lei medidanan merkado di bibienda pa hür Hulanda Karibense pa Boneiru. E lei ta sòru pa un komishon di hür ku ta asistí ora di disputa, hür transparente i kompensashon di hür pa hürdó ku entrada abou.
Preis di hür transparente
Dor di introdusí e asina yama ‘woonwaarderingsstelsel’ (sistema di punto) komo kuadro di evaluashon pa bibienda pa hür, por averiguá si e hür ku ta pidi ta adekuá pa e bibienda ku ta ofresé. Hürdó i propietario por presentá disputa na e komishon di hür: un organisashon imparsial ku ta duna konseho i por tuma un desishon ku bo ta mará na dje.
Kompensashon di hür
E gastunan pa biba na Hulanda Karibense ta haltu. Redusí esaki supstansialmente ta kontribuí na un situashon di entrada mihó pa e habitantenan di Boneiru. Introdukshon di e lei ta permití mehorashon di e kompensashon di hür den e sektor di hür sosial pa personanan ku entrada abou. Esaki ta nifiká ku tin ku gasta ménos di e entrada na gastunan pa biba. Pa e sektor di hür privá ainda ta investigando e medida aki. Ta paga e propietario e kompensashon di hür, ku na su turno ta kobra un preis di hür mas abou.
Drenta na vigor na Sint Euatatius i Saba
E lei lo ta na vigor pa Sint Eustatius i Saba tambe, manera ku elaborá regulashonnan lokal pa un ‘woonwaarderingstelsel’ (sistema di punto) i un komishon di hür (ordenansanan di isla). Riba 19 di aprel 2017 a publiká e lei original merkado di bibienda pa hür Hulanda Karibense den e korant di estado i awor dor di e kambio di lei aprobá por introdusí esaki.