Sosten finansiero pa akohida di mucha na Boneiru

Organisashonnan di akohida di mucha i ‘gastouder’, durante di ‘lockdown’, ta haña un kompensashon èkstra pa kontribushon di mayor, pa asina mayornan no mester paga nan kontribushon (kompletamente). E kompensashon èkstra pa luna ta $150 pa akohida di dia i $100 pa e akohida despues di skol pa mucha. E suma naturalmente ta mas abou si e ‘lock-down’ dura ménos ku un luna. Ta pidi organisashonnan di akohida di mucha ku mensualmente ta kobra mas ku $150 pa akohida di dia i $100 pa akohida despues di skol pa, durante di e ‘lock-down’, desistí di e sobrá di e kontribushon di mayor. E organisashonnan di akohida di mucha lo deskontá e kontribushon di mayor kompensá durante di ‘lockdown’, di mas tarda 31 di yüli 2021.

Supsidio pa akohida di mucha tambe ta kontinuá

Banda di e kompensashon èkstra di kontribushon di mayor durante ‘lockdown’, e supsidionan normal pa e akohida di mucha tambe ta  kontinuá ora ku e akohida di mucha mester sera pa motibu di COVID-19. Esaki ta konta pa e supsidio pa un lugá na akohida pa muchanan ku ta biba den pobresa i tambe e supsidio temporal pa mehorá e kalidat di akohida di mucha i baha e gastunan pa mayornan. E supsidionan aki ta kontinuá si e akohida di mucha  mester sera durante di un ‘lockdown’. Pero tambe ora un akohida di mucha sera temporalmente pa motibu di enfermedat òf karentena di kolaboradó komo konsekuensia di COVID-19.

E organisashonnan di akohida di mucha ku ta hasi uso di e supsidionan i kompensashon èkstra di kontribushon di mayor for di e programa di Bes(t) 4 Kids,  no por hasi uso mas di e medidanan di emergensia finansiero general di e unidat SZW di RCN. Na e momento aki ta elaborá e areglo eksakto mas aleu pa e akohida di mucha i lo publik’é riba término kòrtiku.