Registrashon den hòreka no tur ora segun Lei di protekshon di dato personal BES

Notisia | 04-03-2021 | 19:50

Registrashon di dato personal ta obligatorio den kuadro di investigashon di kontakto i fuente pa limitá kontagio di e vírùs di corona.

Organisashonnan mester pèrkurá pa daton personal ta adekuadamente protehá. Esaki ta enserá ku personanan ku no ta outorisá, no por haña akseso na e dato. E Komishon (CBP BES) a risibí señal ku diferente establesimentu di hòreka ta traha ku un solo lista riba kua tur dato personal di bishitantenan ta registrá. Dato di otro persona ta visibel pa tur bishitante ku ta registrá. E Komishon (CBP BES) ta urgi organisashonnan den hòreka pa organisá e registrashon na un otro manera.

Kon bo ta registrá korektamente?

Ta importante pa tur kliente òf mesa registrá riba un formulario apart, na manera ku otro persona no tin akseso na number di telefòn i nòmber di otro. Bo por hasi esaki den forma digital òf riba papel. E organisashon tin ku sòru pa e dato ta bon protehá, tantu téknikamente komo organisatorio. Esaki ta evitá ku personanan ku no ta outorisá por haña akseso na e dato. Personanan ku no ta outorisá por ta empleado di e organisashon tambe. E persona responsabel pa e organisashon mester supervisá esaki.

No mag di warda e dato personal ku registrá pa mas ku 14 dia despues di registrashon. Despues di 14 dia e organisashon mester eliminá e dato personal for di atministrashon di e organisashon.

Bo tin pregunta tokante prosesamentu legal?

Bo por haña informashon tokante prosesamentu legal den e foyeto “prosesamentu legal” riba www.cbpbes.com

Si bo tin kualke otro pregunta por manda un meil na: info@cbpbes.com

CBP BES ta alkansabel telefónikamente tambe riba djaluna te ku djabièrnè, entre 8or di mainta i 12or di mèrdia, na number di telefòn 715 9114.