Froude ku sosten di corona atendé di manera estrikto dor di korte
Djárason 12 di mei e promé seshon tokante froude ku sosten di corona a tuma lugá. Desaroyadó di proyekto M.D.K. a bai dilanti di hues pa falsedat por eskrito, pa motibu ku el a entregá un kleim falsu pa haña derechi riba e kompensashon di EZK pa su gastunan fiho. Banda di esei e persona kondená a risibí sosten mensual inhustamente komo empresario independiente, komo ku e no a informá ku entretantu el a haña un trabou.
Hues a haña repudiabel ku e desaroyadó di proyekto a malusá medidanan ku a pone pa sostené e islanan durante di un krísis. A sentensiá e empresario, ku ta biba na Boneiru pa un aña i mei, ku seis luna kondishonal di kastigu di prizòn i un kastigu di tarea di 240 ora. Komo konsekuensia di e sentensia aki, probablemente e lo pèrdè su derecho di estadia na Hulanda Karibense. E bukhouder ku konhuntamente a firma pa e petishon di EZK, a sali liber. A resultá ku e desaroyadó di proyekto a adaptá e informashon despues ku su bukhouder a firma pa bèrdat
Fiskal a para ketu na e echo ku e medidanan di sosten ta basá riba konfiansa di gobièrnu den e habitante. Pa por yuda esnan afektá finansieramente di manera rápido, ta duna e sosten a base di informashon manera duná dor di e petishonario. E petishonario ta firma pa bèrdat i ta obligá di informá tokante kambio den e situashon. Hues ta kulpa e kondená fuertemente pa kibramentu di e konfiansa aki.
A bin ku e Areglo di emergensia di SZW i e Kompensashon di EZK na komienso di krísis di corona pa sostené empresarionan ku nan gastunan di salario i gastunan fiho. Mas o ménos mitar di negoshinan na Hulanda Karibense te ku awó a hasi uzo di e areglonan di sosten. Ministerio Públiko BES huntu ku e unidat di SZW di RCN, lo sigui e kontienda kontra froude.