Inflashon Hulanda Karibense ta subi atrobe

Notisia | 20-10-2021 | 00:00

Den e di tres kuartal di 2021 e produktonan i servisionan di konsumidó na Boneiru tabata 4,3 porshento mas karu ku un aña promé. Den e di dos kuartal e inflashon tabata 0,3 porshento. Na Sint Eustatius e preisnan den e di tres kuartal a subi ku 2,4 porshento riba base anual. Den e di dos kuartal ainda e preisnan a baha ku 1,2 porshento. Na Saba e inflashon a subi di 1,0 porshento pa 3,2 porshento den e di tres kuartal. Esaki CBS ta informá a base di e índise di preis di konsumidó Hulanda Karibense.

Inflashon Boneiru 4,3 porshento

E oumento di inflashon na Boneiru ta kousá prinsipalmente pa e gastunan mas haltu pa bibienda i transporte. E preisnan pa koriente tabata 20 porshento mas haltu ku den e di tres kuartal di 2020. Gasolin tabata sigur 19 porshento mas karu ku un aña promé.

E supsidio pa akohida di mucha* tabatin komo efekto un bahada di inflashon. Akohida di mucha tabata 28 porshento mas barata ku un aña promé.

Den e di tres kuartal di 2021 e preisnan na Boneiru a subi ku 1,0 porshento kompará ku e di dos kuartal. E preis promedio pa kuminda a keda rasonablemente stabil kompará ku un kuartal promé. E preisnan pa koriente a subi ku 8,8 porshento. Gasolin tabata 5,7 porshento mas karu i disel sigur 11 porshento. E preisnan di remedi pa propio kuido (remedi sin resèpt) a subi ku 6,7 porshento. Akohida di mucha tabata 28 porshento mas barata ku un kuartal promé.

*Supsidio pa akohida di mucha: https://www.best4kids.nu/blog/2021/06/04/kontribushon-di-mayor-pa-akohida-di-mucha-ta-bira-menos-pa-hopi-mayor/?lang=pap

Inflashon na Sint Eustatius 2,4 porshento

Preisnan di konsumidó na Sint Eustatius a subi den e terser kuartal di 2021 ku 2,4 porshento kompará ku un aña promé. Den e di dos kuartal di 2021 ainda e preisnan tabata baha ku 1,2 porshento. E oumento di inflashon den e di tres kuartal ta kousá espesialmente pa e preisnan mas haltu di koriente, ku a subi ku sigur 28 porshento. E supsidio di akohida di mucha* tabatin komo efekto un bahada di inflashon. Akohida di mucha tabata sigur 32 porshento mas barata ku un aña promé.

Kompará ku e kuartal anterior, e konsumidó a sali 1,6 porshento mas karu. E preisnan pa koriente a subi ku 16,2 porshento. Gasolin tabata sigur 3 porshento mas karu. Fruta fresku tabata 10 porshento mas karu ku un kuartal promé, miéntras bèrdura fresku tabata sigur 2 porshento mas karu. Akohida di mucha tabata sigur 26 porshento mas barata ku un kuartal anterior.

Inflashon na Saba 3,2 porshento

Na Saba e konsumidó den e di tres kuartal di 2021 a sali un promedio di 3,2 porshento mas karu ku un aña promé. Den e di dos kuartal di 2021 ainda e inflashon tabata 1,0 porshento. E subimentu di e inflashon ta kousá prinsipalmente pa e subida di preis di koriente ku sigur 36 porshento.

Kompará ku e di dos kuartal e preisnan di konsumidó tabata 1,7 porshento mas haltu. Bibienda a subi ku 3,2 porshento pa motibu di oumento di preis di koriente i material d konstrukshon, gasolin tabata 2,6 porshento mas karu.

Sifranan tentativo

E sifranan di e di tres kuartal di 2021 ta provishonal i lo stipulá nan definitivamente den e publikashon di e di kuater kuartal di 2021. E sifranan provishonal di e di dos kuartal pa Boneiru ta adaptá pa motibu di informashon ku a drenta despues. E preisnan pa hür di kas i akohida di mucha ta adaptá.

Fuentenan:

StatLine: Caribisch Nederland; consumentenprijsindex

https://opendata.cbs.nl/CBS/nl/dataset/84046NED/table?dl=BFA9