Kambio prosedura Attestatie de Vita

Entrante promé di novèmber 2021 un kambio di importansia ta drenta na vigor pa personanan ku ta risibí Penshun di Behes (Algemeen Ouderdomsverzekering, AOV) i ku ta biba na Boneiru, Saba, Sint Eustatius, Aruba, Kòrsou i Sint Maarten. Entrante di e momento ei nan no mester hasi entrega dos biaha pa aña mas di un Attestate de Vita (AdV) serka e instansianan ku ta paga nan AOV. Un kondishon ta si ku nan ta bibá na un di e islanan menshoná i ku nan ta risibí AOV for di un (òf mas) di e islanan aki.

Wijziging AOV

E organisashonnan riba e seis islanan ku ta paga AOV, desde awor lo bai hasi uso di dato di e registronan sivil lokal. Esaki ta aliviá e penshonadonan di e islanan di di èks Antias Hulandes i ku nan no mester entregá un AdV dos biaha pa aña mas. Si ta di sumo importansia pa nan sòru pa nan datonan na registro sivil di e isla kaminda nan ta biba, ta registrá por kompleto i korekto. Ta trata prinsipalmente di nan adrès i estado sivil

Penshonadonan bibá na Hulanda Oropeo i ku ta risibí AOV di (un di e) islanan, si mester sigui entregá nan AdV dos biaha pa aña serka e instansia ku ta paga nan AOV durante di e periodonan di kustumber. Penshonadonan ku ta biba riba un di e seis islanan pero ku ta risibí AOV (parsial) for di Hulanda Oropeo tambe mester keda entregá nan AdV manera ta kustumbrá na e instansia na Hulanda Oropeo.

Pa pregunta tokante e prosedura nobo riba e seis islanan por tuma kontakto ku e instansianan konserní.

Na Hulanda Karibense por tuma kontakto ku unidat SZW di RCN via e adrès di imeil  pensioen@rijksdienstCN.com. Na Boneiru por yama +599 715 8888, na Sint Eustatius por yama +599 318 3376 i na Saba e number di telefòn ta +599 416 3804.

Na Kòrsou por tuma kontakto ku SVB Curaçao via e adrès di imeil pensioenen@svbcur.org òf via di e number di telefòn +5999 434 4000.

Na Aruba por tuma kontakto ku SVB Aruba via e adrès di imeil info@svbaruba.org òf via di e number di telefòn +297 527 2700.

Na Sint Maarten por tuma kontakto ku SZV Sint Maarten via e adrès di imeil info@szv.sx òf via di e number di telefòn +1721 546 678.