Destaho pa guia di studiante di Hulanda Karibense a kuminsá
Ministerio di Enseñansa, Kultura i Siensia ta ehekutá un destaho públiko pa selektá un partido den merkado pa e akohida i guia di studiante di Hulanda Karibense ku ta bai kontinuá nan estudio na Hulanda Oropeo.
For di 10-10-2020 e ministerio di OCW (Onderwijs, Cultuur en Wetenschap / Enseñansa, Kultura i Siensia) ta pèrkurá pa studiante di Hulanda Karibense (Boneiru, Sint Eustatius i Saba) na nan yegada haña akohida, i ku ta guia nan durante nan promé aña di estudio. Pa esaki, e ministerio ta sera un akuerdo pa un tempu definí ku un partido di merkado. E akuerdo ku e aktual partido di guia, Turan Goeloe, lo terminá despues di a guia e studiantenan ku lo kuminsa nan estudio na Hulanda den ana eskolar 2021-2022. Pa guiansa di e siguiente gruponan di studiante, manera kustumber, e ministerio lo ofresé tur partido riba merkado ku ta interesá e chèns pa hasi un oferta. A publiká e destaho riba Tenderned. Aki e link pa e destaho públiko: https://www.tenderned.nl/tenderned-tap/aankondigingen/239685
Pa e studiantenan ku entrante e aña di estudio 2022 - 2023 ke studia na Hulanda e guia ku ta ofresé lo kontené un pakete di servisio ku e studiante, segun su eskoho, por hasi uso di dje. Ta trata entre otro di: guia pa sali for di e propio isla, regla buelo, resepshon sentral, sosten serka seramentu di seguro, resepshon regional i reglamentu di formalidat, e reglamentu di un lugá pa biba, i sosten durante e promé aña di estudio.
E ministerio ta wak aktualmente kon e preparashon di e studiantenan aki for di awor te mart 2022, e momento ku e partido den merkado ku a selektá ta kuminsá, lo kue forma eksaktamente. E preparashon na tempu i e guia ta faktor importante den e oumento di éksito di estudio di studiante di Hulanda Karibense.