Relato anual 2020 Komishon supervishon di protekshon di dato personal
E Komishon supervishon di protekshon di dato personal Boneiru, Sint Eustatius i Saba a publiká e relato anual di 2020. Den e último aña banda di informashon a tuma e paso importante pa supervishon i mantenshon. Banda di esaki a hasi mas uso di e posibilidat pa pidi e Komishon i su sekretariado pa konseho tokante e aplikashon di e reglanan di privasidat.
Pa motibu di e pandemia di COVID, 2020 no tabata un aña fásil, pero apesar di esaki a pone paso grandi. E echo di mas importante tabata e paso pa supervishon i mantenshon, despues ku pa algun aña e énfasis tabata riba informashon. E Komishon ku masha énfasis a aspirá pa duna e supervishon forma den bon deliberashon ku e organisashonnan envolví.
E sekretario di e Komishon, Roëlla Pourier ta aklará: “Komo ku e protekshon di dato personal ta na interes di tur hende, a logra tambe pa huntu ku e organisashonnan envolví ku bon deliberashon transitá mehorashon. P’esei afortunadamente na 2020 no tabatin nesesidat di medida mas fuerte.” Diferente organisashon tabata okupá ku e implementashon di medida di privasidat mas rígido.
Ròl mas grandi di konsehero di e Komishon
E Komishon ta kontentu ku e tendensia ku mas i mas ministerio hulandes ta pidi konseho tokante legislashon i regulashon nobo. Asina na aña 2020 a duna konseho tokante stür outo bou di influensha di alkohòl i tokante regulashon serka akohida di mucha. Tambe a duna konseho na VWS tokante medida temporal di Covid.
Den e relato anual ta bini dilanti klaramente ku a pone atenshon spesífiko na problema di privasidat den kuido di salubridat. A duna kuadro konkreto tokante ki ora ta pèrmití siudadano di konsultá e datonan kompilá (e asina yamá derecho di inspekshon/akseso). Tur e preguntanan aki ta indiká ku e kampañanan di informashon tabatin nan efekto riba e konsientisashon serka siudadano i kompania.
‘Clean desk i clear screen’
Pa hasi e organisashonnan mas grandi mas konsiente di e maneho di privasidat e Komishon a pidi e entidatnan públiko i e hòspitalnan na BES pa redaktá i ehekutá un maneho integral di clean desk i clear screen. Tambe a trese e posibilidat di e nombramentu di un funshonario di privasidat bou di atenshon.
For di e relato anual ta sali tambe ku e siudadanonan i hende ku ta responsabel pa anda ku dato personal ta haña nan kaminda mas i mas mihó pa e sekretariado di e komishon. Via e-mail i pregunta personal tokante e prosesamentu di dato personal, na 2020 e sekretariado a risibí 18 notifikashon di posibel violashon i 42 pregunta direkto. E sekretariado a kontestá tur e preguntanan aki. Algun notifikashon a kondusí na akshon inmediato. E komishon a aktua den 11 kaso di supervishon i mantenshon.
Sinkronisá ku otro isla
E Komishon na 2020 atrobe a aspirá pa sinkronisashon entre e islanan i paisnan den e parti karibense di Reino. Pa motibu di diferensia (chikí) den legislashon den e área di privasidat, deliberashon na 2020 tambe a keda un punto klave importante. Roëlla Pourier: “Koperashon ku e diferente supervisornan i e Outoridat di Dato Personal na Hulanda ta keda esensial pa keda apliká e reglanan mas inekivokabel posibel.”
Bo ke lesa e relato anual? Esaki ta posibel via e wèpsait: www.cbpbes.com. E aña aki tambe CPB BES lo kontinuá ku kòntròl pa mira si e organisashonnan ta kumpli ku e reglanan di e legislashon di privasidat. Si bo ke sa mas tokante di esaki, bo por konsultá e website di CPB BES. Tambe bo por tuma kontakto ku Roëla Pourier di e sekretariado: info@cbpbes.com, telefòn +599 7159114.