Atenshon pa derecho di akseso riba Dia di Privasidat
Dia di Privasidat ta karakterisá dia 28 di yanüari 1981, riba kua a firma e Tratado di Protekshon di Dato. For di 2007, Konseho di Oropa (Raad van Europa) ku sosten di Komishon Oropeo (Europese Commissie) a instituí Dia di Privasidat. For di momentu ku a firma e tratado, abo komo siudadano tin derechi riba korekshon i eliminashon, i organisashonnan mester atendé di manera apropiá ku registrashon di datonan personal.
Dikon Derecho di Akseso ta asina importante?
Si bo entregá un petishon serka un organisashon pa akseso na bo datonan personal, bo por kontrolá mas ku solamente si e datonan ta korekto;
- bo por averiguá tambe pa kua motibu ta hasi uso di e datonan personal
- kon a kolektá e datonan
- e tipo di datonan ku ta usa
- ku ken i si ta kompartí e datonan akí
- kon largu e tempu pa warda e datonan ta
Si resultá ku e datonan no ta korekto, e ora ei bo por laga koregí òf eliminá esakinan.
Asina bo ta haña un bista den e manera kon ta atendé ku bo datonan personal.
Pa ken e Derechi di Akseso ta konta?
Esaki ta konta pa tur siudadano ku nan datonan ta ser prosesá. Tur organisashon ku ta prosesá datonan personal mester pèrkurá pa fasilitá derecho di akseso. Komo siudadano bo tin derechi pa sa si un organisashon ta disponé di datonan korekto. Si bo kier sa esei, bo tin derechi pa pidi un organisashon pa bo tira un bista den bo datonan. Bo no tin mester di bisa pa kua motibu bo kier akseso. E organisashon no mag hasi misterioso tokante kua datonan e tin di bo, di unda nan ta bin òf kiko ta sosodé ku esei.
Ken ta vigilá protekshon di datonan personal?
Na Hulanda Karibense e Komishon Supervishon y protekshon di Dato personal BES (CBP BES) ta aktivo. E órgano independiente akí ta vigilá prosesamentu i protekshon di datonan personal. For di 2014 CBP BES a start riba e islanan. E promé añanan, e enfoke tabata riba dunamentu di informashon i stimulá ku ta bira mas konsiente tokante datonan personal. CBP BES a pone entre otro komo meta pa informá organisashonnan tokante e kuadronan di e lei. Na final e organisashon ta responsabel pa e forma di prosesamentu.
E aña akí CBP BES ta dirigí su flechanan riba entre otro supervishon i mantenshon di e derechi di akseso, prosesamentu di datonan médiko i prosesamentu di datonan di sédula. Banda di esei dunamentu di informashon ta keda tambe un di e tareanan. “Hustamente den tempu di pandemia di Corona nos kier sigui duna atenshon na prosesamentu legal di datonan personal (partikular)”, segun presidente di CBP BES, sr. Glenn Thodé.
Pa mas informashon bo por bishitá nos wèpsait www.cbpbes.com. Si komo persona òf organisashon bo tin pregunta tokante e manera kon mester atendé datonan personal, e ora ei bo por tuma kontakto ku e sekretariado: info@cbpbes.com, telefòn +599 7159114.