Sekretario di estado Raymond Knops ta bishitá Kòrsou, Boneiru i Aruba
Sekretario di estado Raymond Knops (Asuntunan Interno i Relashonnan den Reino) ta hiba bishita di trabou na Kòrsou, Boneiru i Aruba, di 3 te ku 7 di yüli benidero.
E bishita di trabou ta kuminsá dia 3 di yüli na Kòrsou, unda Knops lo hiba kombersashon ku promé minister mr. Gilmar Pisas, e vice promé minister sra. Ruthmilda Larmonie-Cecilia i konseho di minister. Un enkuentro ku Mgr. Luis Secco tambe ta riba e programa.
Riba 5 di yüli sekretario di estado ta yega Boneiru, unda e lo hiba kombersashon ku gezaghèber mr. Edison Rijna i sekretario di isla sra. Wendy Pelk. Sekretario di estado lo bishitá Plenchi di Trabou i tambe e promé kumpradó di un kas via Hypotheekgarantie Bonaire. Ademas e ta bai Klein Bonaire huntu ku Stinapa, pa e mes mira progreso di e plantashon di 200 palma (sabalpalm). Un bishita na haf i pir tambe ta riba e programa.
E sekretario di estado ta biaha pa Aruba dia 7 di yüli, unda e lo hiba kombersashon ku promé minister demishonario sra. Evelyn Wever-Croes i tambe bishitá Aruba Aloe.