Areglo di fleksibilidat ora di violashon di periodo di estadia liber ta kaduká entrante promé di yüli
Debí na e restrikshonnan di biahe ku a introdusí riba 14 di mart 2020 en konekshon ku e krísis di COVID-19, tin hende ku den e tempu ei a haña nan obligá pa surpasá e periodo di estadia liber. P’esei den kuminsamentu Koninklijke Marechaussee (KMar), IND-unidat CN (IND-CN) i Ministerio Públiko BES (OM BES) huntu a apliká un areglo di fleksibilidat pa e grupo di hende ku sin tin falta a keda muchu largu na Hulanda Karibense. Awor ku pa basta tempu kaba a kanselá e restrikshonnan di biahe, ta anulá e areglo di fleksibilidat kompletamente entrante promé di yüli 2021.
E periodo di estadia liber ta konta pa hende ku no ta residente di Hulanda Karibense. Nan por keda pa un temporada fiho na Hulanda Karibense sin pèrmit di estadia òf deklarashon di atmishon legal. Durashon di e periodo aki ta dependé di nashonalidat di e persona i na ki pais e persona ta biba. Ora un hende surpasá e periodo di estadia liber, e persona aki por haña un but na kòntròl di salida.
No residente di Hulanda Karibense ku riba 14 di mart 2020 ainda tabata den nan periodo di estadia liber na Hulanda Karibense pero ku, pa motibu di e limitashonnan di biahe ku a introdusí no por a biaha bai libremente, bou di e areglo di fleksibilidat ora di biaha bai no tabata haña but ora a violá e periodo di estadia liber durante e temporada di e limitashonnan di biahe. Pa entre otro hulandes i siudadano di Merka pa basta tempu ya ta posibel pa bai bèk na e pais di orígen. Awor ku tambe ta posibel pa otro nashonalidat bai bèk, ta anulá e areglo di fleksibilidat kompletamente.
Anulashon di e areglo di fleksibilidat ta nifiká pa tur no residente ku entrante promé di yüli 2021 no ta aseptá mas ora no residente keda muchu tempu na Boneiru, Saba òf Sint Eustatius. E ora ei e diferente servisionan den e kadena di inmigrashon ta bolbe traha konforme lei i regulashon vigente. E montante di but pa violashon di e periodo di estadia liber ta krese segun ku e durashon di e violashon ta mas largu.