Drenahe di fuel òil Bopec eksitoso
For di 17 te ku 19 di mart 2022 bou di supervishon di e inspektornan di Rijkswaterstaat (RWS) i e inspekshon di medio ambiente di bida i transporte (ILT) a pòmp over 220.000 bari di fuel òil for di BOPEC pa e barku petrolero ‘Altair’. Riba 20 di mart e barku petrolero a sali for di Rotterdam.
E uzo di e pirnan pa karga i deskargá krudo na BOPEC (ku ta bankrut) for di mei 2019 ta prohibí dor di RWS pa motibu di retraso serio den mantenshon, dor di esaki un karga seif no tabata posibel.
For di mart 2021 e kuratòr huntu ku personal di BOPEC ta hasi mehorashon- i reparashonnan na un pir i otro instalashonnan. P’esei RWS a permití uzo di e pir aki for di 2 di mart 2022 bou di sierto kondishon.
Den e dos simannan promé ku e karga inspektornan di RWS i ILT tabata presente pa evaluá e trabounan (di rekuperashon). Tambe a sigui e proseso di kargamentu djaserka entre 17 i 19 di mart dor di RWS i ILT, den koperashon ku Veiligheidsregio Rotterdam Rijnmond.
BOPEC ta un kompania di almasená Fuel òil na Boneiru ku ta propietario di PdVSA, e empresa di estado di krudo di Venezuela.. Riba 18 di mart Korte a deklará BOPEC bankrut ku nombramentu di un kuratòr ku ta (finalmente) responsabel pa operashonnan aktual na BOPEC. E kousa di e kiebro di BOPEC partikularmente ta añanan largu di sanshonnan ekonómiko kontra Venezuela, kaminda no por a hasi transakshonnan finansiero. Ku esei tur e aktividatnan a para, miéntras tabata tin hopi krudo den e dos tankinan di depósito.
Bendementu i transportashon di un parti di e fuel òil ta un paso importante den e despacho di e bankarota di BOPEC i ta un desaroyo positivo pa e ‘re-inisiashon di e terminal.