Dia di Labor e aña aki riba 2 di mei
Dia di Labor ta kai e aña aki riba un djadumingu. Segun e lei di labor (Arbeidswet 2000 BES), esaki ta nifiká ku ta selebrá Dia di Labor riba e siguiente promé dia di trabou. Esaki ta riba djaluna 2 di mei.
Esaki tin komo nifikashon ku mayoria ofisina i servisio públiko lo ta será riba 2 di mei. Si personanan na Hulanda Karibense mester laborá riba 2 di mei, mester kompensá nan manera ta un dia ofisial liber. Esaki ta konta pa tantu sektor públiko komo privá.
Pa pregunta tokante derecho i deber di dunadó di trabou i empleado tokante e selebrashon di Dia di Labor riba 2 di mei, por tuma kontakto ku Asuntunan di Empleo di RCN- unidat di SZW via (+599) 715-8888 òf arbeidszaken@rijksdienstcn.com.