Ofisina di IND na Boneiru ta muda

Servisio di Imigrashon i Naturalisashon (IND) unit CN na Boneiru riba djabièrnè 6 di mei 2022 ta muda pa Kaya Gresia 11, dilanti e edifisio di SSO di Rijksdienst Caribisch Nederland (RCN). E edifisio nobo ta brinda espasio pa entre otro un lokèt di servisio èkstra.

Contact IND Rijksdienst Caribisch Nederland

Ku e mudansa e servisio ta bira mihó aksesibel i tambe ta amplia e servisio na públiko. Na entrada por ehèmpel ta bai buta un bali adishonal kaminda klientenan por akudí pa hasi preguntanan simpel, manera por ehèmpel tokante e status di un petishon ku a keda entregá òf tokante un formulario ku mester yena. Tambe ta trahando pa amplia e orario ku e servisio ta habrí pa públiko.

Ku e interior di e ofisina nobo a dediká atenshon na e privacy di e kliente dor di hasi uso por ehèmpel di isolashon di zonidu. Ademas tin espasio na e sitio nobo pa un lokèt di servisio èkstra, pa asina IND por yuda sinku kliente na mes momento. Asina IND ta spera di por yuda kliente mas lihé ku na e sitio aktual, kaminda por atendé un máksimo di 4 kliente pareu. 

IND unidat CN ta aspirá pa realisá e mudansa kompleto durante wikènt, pa asina tin ménos molèster posibel pa e klientenan i entrante djaluna 9 di mei nan por akudí na e sitio nobo.