Bai directamente na kontenido

Kampaña kandidatura pa kolegio elektoral di Eerste Kamer a inisiá

Notisia | 08-12-2022 | 17:10

Hulandes residente atrobe por vota pa kandidato pa kolegio elektoral riba 15 di mart 2023. Esaki lo tuma lugá riba e mesun dia ku elekshon di Konseho Insular na Boneiru i Saba.

Campagne kiescolleges Eerste Kamer

Hulandes na Boneiru, Sint Eustatius i Saba, meskos ku hulandes ku ta biba na e parti Oropeo di Hulanda, por tin influensia riba konstelashon di Eerste Kamer. Pa kada isla lo tin un asina yamá kolegio elektoral pa Eerste Kamer. E kolegio elektoral aki ta konsistí di representante di pueblo di entidatnan públiko kual, huntu ku miembro di estadonan provinsial di kolegio elektoral pa votadónan Hulandes den eksterior, ta eligí e miembronan di Eerste Kamer.

Postulashon pa kandidatura

Nashonalidat hulandes ta un eksigensia pa forma parti di kolegio elektoral.  E persona mester ta residente di e entidat públiko, mester tin por lo ménos diesocho (18) aña di edat i no mester ta ekskluí di e derecho di voto. Tantu partido polítiko komo kandidato individual por entregá lista di kandidato pa elekshon di e miembronan di e kolegio elektoral pa Eerste Kamer riba 30 di yanüari 2023 entre 9 or di mainta i 5 or di atardi na konseho supremo elektoral di e entidat públiko. E kandidatonan por hasi esaki riba 30 di yanüari na:

  • Boneiru, Passangrahan, Plaza Reina Wilhelmina 1, Bonaire, Tel: + +599 717 5332.
  • Sint Eustatius, Census Office (registro civil), Chapel Piece Road 1, Tel:  599 318 2497
  • Saba, Census Office (registro civil), Power Street 1, Tel: +599 416 3497.

Kampaña

E siman akí RCN ta start ku un kampaña di informashon ku e slogan “Marka historia aki” pa informá habitante ku derecho di voto pasivo, tokante postulashon komo kandidato. Relashoná ku esaki ta hasi uso di diferente medio di komunikashon, manera aviso, spòt na radio i televishon i Facebook. Kandidato potensial i es ku tin derechi di voto por bai tambe riba www.rijksdienstcn.com/kolegioelektoral2019 pa mas informashon.

RCN ta ehekutá e kampaña di informashon riba enkargo di ministerio di Asuntunan Interno i Relashon den Reino. E entidatnan públiko ta responsabel pa organisashon di e elekshonnan.