Komèrsio internashonal di merkansia na Boneiru un kinto mas haltu den 2021

Notisia | 14-02-2022 | 20:36

E islanan di Hulanda Karibense tin défisitnan komersial struktural: ta importá mas merkansia ku ta eksportá. Kompará ku Hulanda Europeo, tin relativamente masha tiki produkshon riba e islanan. Mas komèrsio di merkansia ta resultá e ora ei generalmente den défisitnan komersial. Na Hulanda Karibense mayoria entrada ta bin di servisionan (spesialmente turismo). Pero den e artíkulo aki nos lo trata solamente komèrsio di merkansia.

Boneiru: défisit komersial mas haltu debí na importashon rèkòrt

Na 2021, Boneiru tabatin un défisit komersial di 282 mion dòler. Kompará ku e aña anterior, e montante aki ta un kinto mas altu. Den 2020, e défisit komersial di e isla a baha pa promé biaha den seis aña.

E balor di importashon di merkansia tabata 292 mion dòler na 2021, e balor mas haltu for di komienso di e midimentu na 2011. E oumento den importashon (48 mion dòler) entre 2020 i 2021, kasi mitar di esaki a tuma lugá den e di kuater trimèster. E balor di 88 mion dòler na merkansia importá den e trimèster ta un rèkòrt.

Boneiru a eksportá 10 mion dòler di merkansia na 2021. E balor di eksportashon ta un kinto mas haltu ku esun di 2020.

E défisitnan komersial di mashinnan i alimentonan ta lokual a subi mas tantu na Boneiru

No tin indikashon ku e evolushon di e défisit komersial di Boneiru, pero tambe na Saba i Sint Eustatius, ta direktamente relashoná ku e krísis di corona. Na 2021, Boneiru tabatin un eskases grandi den kasi tur kategoria di merkansia kompará ku e aña anterior.

E défisit komersial di Boneiru, entre 2020 i 2021, a krese ku 46 mion dòler. Di e montante aki, mayoria ta bin di mashinnan i material di transporte (19 mion di dòler), sigui pa alimentonan i animalnan bibu (10 milon di dòler). E dos kategorianan aki di merkansia tambe ta esnan ku mas ta kontribuí na e défisit komersial di e isla den términonan apsoluto. Na 2021, Boneiru tabatin un défisit komersial di 77 mion di dòler na mashinnan i material di transporte. Esaki tabata un di tres parti mas haltu ku na 2020. E défisit komersial di alimentonan i animalnan bibu a subi ku un 22 porshento, te ku 55 mion di dòler na 2021.

Sint Eustatius: importashon ta baha pa e di  kuater aña konsekutivo

E défisit komersial di Sint Eustatius a baha pa e di kuater aña konsekutivo. Entre 2020 i 2021, e bahada tabata 4 porshento. A importá 38 mion di dòler mas na merkansia. Na 2021, importashon a baha ku 5 porshento te ku 39 mion di dòler. Eksportashon (1 mion di dòler) tabata 28 porshento bou di e balor di 2020.

Saba: défisit komersial a subi

Saba a importá un 6 porshento mas na merkansia na 2021 kompará ku 2020. Importashon tabata 22 mion di dòler. E balor di eksportashon tabata kasi 1 mion di dòler i a krese ku 64 porshento. Pa saldo, e défisit komersial di Saba a subi ku 5 porshento na 2021.