SZW ta spera ku hopi hende lo partisipá na e investigashon di persepshon
Riba enkargo di e unidat i ministerio di Asuntunan Sosial i Empleo (SZW), den luna di mart 2022 ofisina di investigashon Linkels & Partners ta inisiá ku un investigashon pa haña sa kon siudadanonan ta eksperensiá e servisio di e Unidat SZW di RCN. SZW ta duna prioridat na dunamentu di bon servisio.
E unidat SZW di RCN ta hasi esfuerso pa situashon laboral ta sigur, salú i honesto i ta paga seguro sosial na nòmber di e ministerio, pa kontribuí na siguridat di eksistensia pa grandinan, mayor- i personanan ku temporalmente no por traha òf ku ta den un situashon di emergensia finansiero. E servisio ta kontinuamente den moveshon. Asina e Unidat SZW di RCN a ehekutá for di mart 2020 e pakete di sosten di emergensia di corona i entrante promé di yüli 2021 a digitalisá e proseso pa notifikashon di malesa i e petishon pa pèrdida di suèldu. SZW tin gana di sa di su klientenan kon nan ta eksperensiá su servisio, por ehèmpel riba tereno di kalidat, aksesibilidat, rapides i konfiabilidat. Kiko nan ta haña bon i kiko por mihó? Ta usa e input balioso di kliente pa mehorá e servisio di e Unidat SZW di RCN.
E investigashon
E ofisina di investigashon Linkels & Partners ta hasi e investigashon. Linkels & Partners ta un ofisina di investigashon independiente establesé na Boneiru, ku hopi eksperensia riba tereno di investigashon di persepshon di kliente. Na febrüari 2022 e Unidat SZW di RCN lo aserká klientenan via meil òf telefòn pa puntra nan si nan kier partisipá na un di e kombersashonnan den grupo di Linkels & Partners na Boneiru, Sint Eustatius i Saba. E kombersashonnan den grupo akí lo tuma lugá teniendo kuenta ku e reglanan di covid. Bou di guia di e investigadónan lo papia tokante e servisio i sosten ku SZW ta ofresé. Lo puntra e partisipantenan pa nan eksperensia i lo presentá ponensianan. Ta prosesá e lokual ku risibí anónimo. Pa e Unidat SZW di RCN ta importante kiko ta ser bisá, no ken a bis’é.
SZW ta spera ku hopi kliente lo kier partisipá na e investigashon i ta gradisí di antemano pa e kooperashon. Na yüni lo entregá e resultadonan di e investigashon. Si tin pregunta i remarke tokante e investigashon, por tuma kontakto ku Linkels en Partners via info@linkels.com òf 717 8711. Ta posibel tambe pa manda meil pa info.szw@rijksdienstcn.com.