Bishita di trabou di komishon fiho di Eerste Kamer (KOREL) na parti Karibense di Reino
Un delegashon di 13 miembro di e komishon fiho di Relashonnan den Reino di Eerste Kamer (KOREL) ta realisá un bishita di trabou di djabièrnè 25 di febrüari 2022 pa djadumingu 6 di mart 2022 na parti Karibense di Reino. E delegashon ta bishitá tantu e paisnan Aruba, Kòrsou i Sint Maarten komo e entidatnan públiko Saba, Sint Eustatius i Boneiru. E delegashon ta bou di guia di e presidente di e komishon di Relashonnan den Reino, Paul Rosenmöller.
Delegashon ke haña informashon di su partnernan den Karibe tokante asuntunan ku ta importante pa e islanan. Pa e senadornan e kombersashonnan ta fungi komo profundisashon di e dosié di lei ku Eerste Kamer ta trata òf lo bai trata i alabes tin komo meta pa fortifiká e lasonan den Reino. Tambe e bishita ta duna e boseronan di frakshonnan chikitu i mediano den Eerste Kamer e oportunidat pa sera konosí mas di aserka ku e parti Karibense di Reino, mirando ku normalmente nan no ta forma parti di e delegashon di Staten Generaal ku ta konsistí di miembronan di Eerste i Tweede Kamer ku ta partisipá na IPKO (Interparlementair Koninkrijksoverleg), ku ta tuma lugá kada seis luna.
Durante nan bishita e miembronan di Eerste Kamer entre otro ta hiba kombersashon ku Gouverneur, Gezaghèber, gobièrnunan di e paisnan i diputadonan, representantenan di pueblo, organisashonnan di dunadónan di trabou i di trahadónan, direktivanan di skol, representantenan di sektor di kuido, empresarionan, persona- i organisashonnan di kadena hudisial, organisashonnan di konsumidó, hóbennan i otronan.
E delegashon ta bishitá Sint Maarten (25-26 febrüari), Saba (27-28 febrüari), Sint Eustatius (28 febrüari-1 mart), Boneiru (2-3 mart), Kòrsou (3-4 mart) i Aruba (4-5 mart).
E delegashon ta konsistí di e siguiente miembronan di Eerste Kamer:
Paul Rosenmöller (GroenLinks, lider di delegashon)
Toine Beukering (Fractie-Nanninga, visepresidente di delegashon),
Annemarie Jorritsma-Lebbink (VVD),
Ria Oomen-Ruijten (CDA),
Boris Dittrich (D66),
Jeroen Recourt (PvdA),
Arda Gerkens (SP),
Peter Ester (ChristenUnie),
Peter Nicolaï (PvdD),
Martine Baay-Timmerman (50PLUS),
Peter Schalk (SGP),
Jeroen de Vries (Fractie-Otten)
Ton Raven (OSF).
Fred Bergman, grifi di komishon, i Maarten van Rooij, kolaboradó di staf, ta guia e delegashon riba nivel ofisial.