Proyekto piloto biahe ku Sédula den parti karibense di reino

Durante añanan hopi famia i kompania a plama den parti Karibense di Reino. Pa e motibu ei tin un nesesidat grandi pa hasi biahamentu den parti Karibense di Reino mas fásil ku ta posibel.

Reizen met id-kaart

Gran parti di siudadano di parti Karibense di Reino ta disponé di un karchi di identifikashon lokal (sédula).  Un parti di nan no tin pasaporte. Aktualmente únikamente un pasaporte ta konta komo un dokumento bálido pa biaha den (i pafó) di e parti Karibense di Reino. E gastunan mará na e proseso di petishon pa un pasaporte por ta un opstákulo pa biaha.

Pa fasilitá biahamentu den Reino, Kòrsou, Hulanda i Sint Maarten a disidí ku entrante promé di mei 2022 siudadanonan ku nashonalidat hulandes na Hulanda Karibense, Kòrsou i Sint Maarten por biaha a base di nan sédula/ID Card lokal.  E eksigensianan usual lokal pa drenta kada pais ta keda na vigor, entre otro e eksigensia pa tin sufisiente medio finansiero pa e estadia na e isla konserní.

Pa biaha entre e islanan partisipante (Boneiru, Sint Eustatius, Saba, Kòrsou i Sint Maarten) i Aruba si un pasaporte ta keda nesesario. Pues, biaha pa Aruba ku un sédula/ID Card no ta posibel. E medida aki tampoko ta aplikabel pa biaheronan entre e islanan partisipante i Hulanda. Pa e tráfiko aéreo aki un pasaporte ta keda nesesario. E karchi di identifikashon di Hulanda Oropeo tampoko ta konta komo un dokumento bálido pa biaha entre e islanan partisipante.

Den di dos mitar di aña di 2022 e islanan partisipante konhuntamente ta wak si e medida aki ta duna un kontribushon importante na optimalisashon di e tráfiko aéreo entre e islanan di parti Karibense di Reino i ku mester inkorporá e medida aki strukturalmente.