E proyekto piloto di Traslado Médiko Direkto (Direct Medical Referrals) pa Sint Maarten lo kuminsá dia 21 di novèmber

Entrante 21 di novèmber 2022, Zorg en Jeugd Caribisch Nederland (ZJCN), Sint Eustatius Health Care Foundation (SEHCF), Saba Cares i Sint Maarten Medical Center (SMMC) lo implementá e proyekto piloto 'Direct Medical Referral'. E proyekto aki lo fasilitá trasladonan médiko di Saba i Sint Eustatius pa Sint Maarten Medical Center sin intervenshon di e konseheronan médiko di ZJCN.

St. Maarten Medical Center (SMMC)

E lansamentu di e proyekto piloto aki ta nifiká ku Dòkternan di Kas na Saba i Sint Eustatius awor por referí pashèntnan direktamente pa SMMC via di nan International Patient Office (IPO), ku ta manehá tur sitanan i sitanan di follow-up pa pashèntnan referí for di Saba i Sint Eustatius.

ZJCN lo sigui organisá tur e logístika di traslado médiko, manera buelonan, akomodashon, i kompensashon komo ku IPO solamente ta manehá sitanan médiko.