Mas turista pa Sint Eustatius i Saba den e promé semèster di 2022

Notisia | 20-10-2022 | 19:36

Den e promé mitar di 2022, aproksimadamente 2,4 mil turista a yega Sint Eustatius ku avion. Esaki ta un biaha i mei mas tantu kompará ku mes un periodo di e aña anterior (1,4 mil), pero ainda aproksimadamente mitar di e kantidat di turista ku a bishitá e isla den e promé mitar di 2019. Esaki por ta e resultado di e kantidat di moveshon di transporte aéreo ku ta aproksimadamente tres kuart di e kantidat di tres aña promé.

Den e promé mitar di 2022, e parti di turista Merikano tabata 16 porshento, miéntras ku na 2019, 2020 i 2021 esaki tabata kada bia mas òf ménos 11 porshento. Mientras ku relativamente mas turista Merikano a bin, tabatin relativamente ménos turista di Repúblika Dominikana i Aruba, Kòrsou i Sint Maarten.

Mas turista na Saba den e prome mitar di aña kompará ku 2021

E kantidat di turista ku a bishitá Saba den e promé semèster di 2022, ta meskos ku na Sint Eustatius, mas òf ménos 2,4 mil. Esaki tambe ta mas ku 1 biaha i mei e kantidat den e mes un periodo e aña anterior. No opstante e oumento, e kantidat di turista ta aproksimadamente mitar di e kantidat ku a bishitá e isla den e promé mitar di 2019.  Remarkabel ta e kantidat di e moveshon di transporte aéreo di i pa Saba tabata na e nivel di 2019 òf asta mas ku esaki. Aunke aproksimadamente e mes un kantidat di buelo tabata bai i bin di Saba, e buelonan aki tabata transportá ménos turista ku na 2019.

E parti di Hulandes di e kontinente Europeo ku a bai Saba tabata un 27 porshento mas tantu ku e añanan anterior. Tambe aki relativamente ménos turista a yega di e islanan Hulandes bisiña. Na 2019, nan parti ainda tabata 29 porshento, miéntras ku pa e promé mitar di 2022 esaki tabata 20 porshento.

Mas turista ku ménos buelon pa Boneiru

Den e promé mitar di 2022, mas di 85 mil turista a yega Boneiru ku avion. Esaki ta mas ku tres bes e kantidat den e mes un periodo un aña anterior. Asta e ta un 10 porshento mas ku na 2019, miéntras ku e kantidat di moveshon di transporte aéreo pa i di Boneiru tabata un poko ménos ku e tres kuart di esun di 2019.

E ora ei, pa promedio, tabatin mas pasahero pa buelo den e promé mitar di 2022 ku den e mes un periodo di 2019. Entre e turistanan, e parti di turista Merikano a subi na e nivel promé ku COVID-19,  na mas òf ménos un 22 porshento. Ku 55 porshento, e  parti di Hulandes Europeo tabata mas altu ku e 35 porshento na 2019.